Qalasersuaq
Ruslandip Qalasersuarmi piumasaqaatiminut sunniiniarluni suliaqarpoq
Ruslandip Naalagaaffiit Peqatigiit toqqavinnut ataatsimiitialiaani nutaanik inuttaqartumik ataatsimeeqateqarniarpoq. Arktisk Nyt taama allappoq
Qaammatip tulliani Naalagaaffiit Peqatigiit toqqavinnut ataatsimiititaliaanut Ruslandip pulaarnissaa ilimanarpoq.
Arktisk Nyt taama allappoq.
Toqqavinnut ataatsimiititaliap Ruslandip aamma/imaluunniit Naalagaaffeqatigiinnerup Qalasersuarmut piumasinnaaneraat aalajangertussaavaa.
Ukiut marluk matuma siorna Ruslandip toqqavinnut piumasaqaatini tunniuppai, piumasaqaatillu taakku allanngornikuunngillat.
Illuanik toqqavinnut ataatsimiititaliap aaqqissuussaanera allanngornikuuvoq. Juunip 14-anni ataatsimiititaliamut ilaasortat nutaat qinerneqarput. Russillu naalakkersuisuisa ilaasortat nutaat ataatsimeeqatigerusuppaat.
- Piumasaqaat saqqummiutereernikuuarput. Naalagaaffiit Peqatigiinni ataatsimiititaliap ataatsimeeqatiginissaanut pilersaarusiorpugut, allatut agguarneqalernikuunera pissutigalugu. Ataatsimiinnissarput pilersaarusiorparput, piumasaqaatigullu oqaloqatigiissutiginissaat, kisianni nutaanik piumasaqaateqarnianngilagut. Juulip qiteqqunnerani New Yorkimi ataatsimiinnissaq pilersaarutigineqarpoq, nunap pisuussutaanut ministeri, Sergey Dinskoy nutaarsiassaqartitsivimmut Tassimut taama oqarpoq.
Naalagaaffeqatigiinnerup siorna piumasaqaatini tunniuppai, taakku Russit piumasaqaataannik qalliipput.
Tamannali aalajangiiffigineqanngilaq, imartat pillugit ataatsimiititaliaq naggataagut aalajangiisussaammat. Taassuma piumasaqaatit nunap ilusaat aallavigalugit inatsisigut akuerisaanersut aalajangertussaavaa.
Qaqqap quassugaa pingaarutilik, Lomonosov Qalasersuup naqqa tamakkerlugu takissuseqarmat, Ruslandip aamma Kunngeqarfiup piffik piumasaqaateqarfigisinnaariaannaavaat.
Tamatuma kingorna illuatungeriit marluk akornanni isumaqatiginninniarnikkut isumaqatigiittoqarsinnaanersoq apeqqutaalissaaq.