Aalisarneq

Ruslandimik aalisarnermik isumaqatigiissut allannguuteqanngilaq

Isumaqatigiissutikkut nunatta aalisartui aappaagu ruslandip imartaani, ruslandillu aalisartui nunatta imartaani aalisarsinnaatitaassapput

Kalaallit Nunaat Ruslandilu aalisarnermut nutaamik isumaqatigiissuteqarput
2016-imut aalajangersakkanut takussutissiaq, ukiunilu siuliini pisassiissutit amerlassusaat, takuneqarsinnaavoq
Kalaallit Nunaat Ruslandilu aalisarnermut nutaamik isumaqatigiissuteqarput Leiff Josefsen2016-imut aalajangersakkanut takussutissiaq, ukiunilu siuliini pisassiissutit amerlassusaat, takuneqarsinnaavoq Screendump fra SelvstyretKalaallit Nunaat Ruslandilu aalisarnermut nutaamik isumaqatigiissuteqarput Leiff Josefsen2016-imut aalajangersakkanut takussutissiaq, ukiunilu siuliini pisassiissutit amerlassusaat, takuneqarsinnaavoq Screendump fra SelvstyretKalaallit Nunaat Ruslandilu aalisarnermut nutaamik isumaqatigiissuteqarput Leiff Josefsen2016-imut aalajangersakkanut takussutissiaq, ukiunilu siuliini pisassiissutit amerlassusaat, takuneqarsinnaavoq Screendump fra Selvstyret

Kalaallit Nunaat Ruslandilu aappaagumut aalisarnermut nutaamik isumaqatigiissuteqarput.

Isumaqatigiissulli imatorsuaq allannguuteqanngilaq. Russit Kalaallit Nunaata imartaani qaleralittassaat suluppaagartassaallu ukioq mannamut isumaqatigiissutitut amerlatigiinnarput.

Aamma kalaallit russit imartaani saarullinnattassaat (kuller) raajartassaallu siornatut amerlassusilerneqarput, biologit pisassiissutit annikillinissaannik siunnersuigaluartut, taamaasillunilu nunatta aalisartuisa 2016-imi russit imartaani saarullittassaat 5.100 tonsiupput.

Naleqarluartut

Aalisarnermik inuussutissarsiutillit sinniisui naalakkersuisoqarfillu naliliipput, isumaqatigiissut Kalaallit Nunaannut Ruslandimullu naleqarluartuusoq, 2016-milu pisassat akit ineriartornerat eqqarsaatugalugu naammaginartinneqartoq, namminersorlutik oqartussat paasissutissiipput.

Kalaallit Nunaata Ruslandillu 2016-imut aalisarnermut isumaqatigiinniarnerat sapaatip akunnerani kingullermi Københavnimi atorfilittanit ingerlanneqarpoq.

Aalajangersakkat (protokolli) tunngaveqarput Kalaallit Nunaata Ruslandillu 1992-imi aalisarnermut isumaqatigiissutaannik.

Powered by Labrador CMS