sakkutooqarneq
Ruslandi sikup ataani naalaarusuppoq
Ruslandi nunat issittut imartaanni naalaarfinnik pilersitsiniarpoq. Arktisk Nyt taama allaaserinnippoq
Ruslandip aqqartartut nunat issittut imartaanni angalasut alaatsinaanniarpai. Nittartakkatigut nutaarsiassaqartitisivik Arktisk Nyt taama allaaserinnippoq.
Ukioq kingulleq russit sakkutuui imarsiortut alaatsinaaffinnik pilersitsiniartut Arktisk Nytip russit aviisiat Izvestia malillugu taama allaaserinnippoq.
Nittartakkami Covert Shores-imi paasineqarsimavoq alaatsinaaffiit sikup ataaniitinneqassasut.
Aqqartartut sikup ataani malugineqarsimanatik angallattut alapernaaserfigineqarnissaat siunertaavoq.
Ruslandi nunat issittut imartaanni alapernaaserfinnik pilersitsippata Nunat Issittut tamakkipajaarlugit aqutarilissagaat Arktisk Nyt paasissutissiivoq.