avammut niuerneq
Rubinit siulliit 2017-ip aallartinnerani nunanut allanut tuniniarneqalernissaat naatsorsuutigineqarpoq
Ukiup nutaap aallartinnerani rubinit siulliit tunineqassasut LNS Greenland Gemsip naatsorsuutigaa
Aatsitassarsiornissaviup aallartinneqannginnerani sanaartugassat kingulliit suliarileruttorpavut, Jens B. Frederiksen, LNS Greenland Gemsimi pisortap tullia aamma isumannaallisaanermut tuniniaanermullu pisortaasoq oqarpoq.
– Ujaqqat siulliit decembarimi Nuummi suliareqqaarinnittarfimmukaanneqarnissaat naatsorsuutigaarput, taamaalilluta koruunit siulliit (rubinit safirillu) 2017-ip aallartinnerani nunanut allanut tuniniarnissaannut piareerluta, Jens B. Frederiksen sapaatit akunnerata matuma siuliani IBA-mik isumaqatigiissummik atsiornermini oqarpoq.
Atuaruk: Maannakkut sulisut tamarmik suliffeqarfimmi piginnittuulersut ataanni suliinnassapput
Akitsuutit
Pinnersaatimmi True North Gemsimit nunatsinnit anninneqareersut?
– Utertinneqassapput.
Ujaqqat qanoq amerlatigisut anninneqareersut ilisimavisiuk?
– Aap, nalunaarsugaapput.
Ujaqqat nunatsinni anninneqartut akitsuuserneqartussaapput. Kisianni qaqugu aamma sunik akitsuutinik akiliisoqassava?
– Ujaqqat tunineqarpata akitsuutit akilerneqassapput, Vittus Qujaukisoq nassuiaavoq.
Atuaruk: Rubinisiorfimmut isumaqatigiissut nutaaq inissittoq
Canadami niuerneq
Ujaqqat amerlanersaat Canadamut tunineqassapput. Tassa imaappoq Kalaallit Nunaanniit umiarsuarnik aallartinneqarunik suli tunineqarsimassanngillat. Vancouverimi True North Gemsip allaffiani tuniniaaneq manna tikillugu isumagineqarsimavoq.
- Tuniniaanitsinnik ingerlateqqiisussat maanna isumaqatigiissutiginiarneqarput. Tamannali suli ingerlammat soorunami oqaatigisinnaanngikkallarpakka. Kingusinnerusukkulli paasisaqarnerujumaarpugut, Jens B. Frederiksen oqarpoq oqartussanilli tuniniaanermut pilersaarut akuerineqaqqaassanerarlugu.
Atuaruk: Aappaluttumi rubinisiorfik annaanneqarpoq: Ulloq nuannaarfiusoq
Allaaserisaq Sermitsiami kingullermi tamaat atuaruk. Aviisi uani pisiarisinnaavat: