rubinit

Rubinit piginnittugissaassapput

Ujaqqat erlinnartut Qeqertarsuatsiaaneersut immikkuullarissumik oqaluttuarsartamikkut tuniniarneqassapput. Rubinit taakku inussiaateqarnermut eqqaanartuni sulisitsinikkut pissarsiaasunut diamantinut akuliunneqassappata ajorluinnartumik pisoqarsinnaavoq

Pisisartut tusaamanerlutaasut soorlu inussiaateqarnikkut ujaqqanik erlinnartunik piiakkanik pisisartut imaasiallannerinnakkut Qeqertarsuatsiaat eqqaanni rubinisiorfik tusaamanerlugaalersissinnaavaat. Taamaattumik aatsitassarsiorfimmik Greenland Rubymik piginnittut mianersorluinnarlutik pisisussarsiorput. Pisisussat suliarisimasaat ujaqqanillu erlinnartunik niuernermi tusaamasaassutaat misissoqqissaaqqaarlugit pisisussat akuerineqartassapput.

AG taam allaaserinnippoq.

- Aappaluttumiit rubinit immikkuullarissutut tuniniarneqassapput. Ujaqqat suminngaanneernerannik oqaluttuaq ujaqqat nunani tamalaani tuniniarneranni immikkuullarissutaassaaq, Greenland Ruby sinnerlugu tuniniaallunilu ussassaarisoq Hayley Hennings ilisimatitsivoq.

Greenland Ruby norskit ingerlatsitsiveqarfiannit LNS-mit pigineqarpoq.

Allaaserisaq tamakkerlugu AG-aviisimi kingullermi saqqummertumi atuaruk:

Powered by Labrador CMS