rubinit

Rubininik piiaaffimmut atortut

Maskiinat siulliit Aappaluttumut aallarunneqarput

Jonathan Jacobsen, Bent Olsvig Jensen fra, Konrad Boye, Jens B. FrederiksenTNG, Toni Lynge, Anda Nathanielsen
Jonathan Jakobsen, qiterleq, aamma Bent Olsvig Jensen TNG-meersoq, aamma nunaqarfimmi aqutsisunut ilaasortaq Konrad Boye saamerleq, Jens B. Frederiksenilu TNG-meersoq, nunaqarfiup allaffiani pisortaq Toni Lynge nunaqarfimmilu aqutsisunut ilaasortaq Anda Nathanielsen, umiarsuup talerpia'tungaani.

Nunaqarfimik aqutsisut siulersuisuat Jonathan Jakobsen Qeqertarsuatsiaanilu nunaqarfimmik aqutsisunut ilaasortat arlallit ingerlalluaqqusipput, Qeqertarsuatsiaat eqqaani Aappaluttumi rubinisiorfissamut atortussat siulliit tallimanngormat Nuummit kujammut aallarunneqarmata.

Kapisilinnudt Qeqertarsuatsiaanullu nunaqarfimmi aqutsisut ulluni makkunani Nuummiipput, taamaattumillu ilaasortat amerlanerusut peqataatsinnaapput piiaaffiup sanaartornissaanut piareersaanerit aallartimmata, True North Gems Greenlandip pisortaa tusagassiorfinnut nalunaarutikkut paasissutissiivoq.

– Sanaartorneq sapaatit akunnialunngui qaangiuppata aallartissaaq, True North Gems Greenlandillu aamma LNS Greenlandip naatsorsuutigaat sapaatit akunneri marlussuit qaangiuppata sulisunik atorfinitsitsilissallutik, Bent Olsvit Jensen paasissutissiivoq.

Powered by Labrador CMS