aatsitassat

Rubininik piiaaffik aallartinnissaminut millionilinnik amigaateqarpoq

True North Gemsip Qeqertarsuatsiaat eqqaani rubininik piiaaffia aallartinnissaminut piareeraluarpoq. Piiaaffiulli aallartinnissaanut suli 79 millioner koruunit amigaatigineqarput

Inatsisartuni Aatsitassanut Ataatsimiititaliap 2015-imi piiaaffissaq takuniarpaa

Qeqertarsuatsiaat eqqaanni rubininik piiaaffissamik piginnittut februaarimi naliliipput ujaqqanik erlinnartunik qaammat mamma avammut tuniniaalersinnaallutik, piiaaffiulli aallartinnissaa minnerpaamik maajimut kinguartinneqarpoq.

Sulisut inissaat, aqqusernit pisariaqartullu allat sananeqareeraluarput, piiaaffissamilu ammasumi qaartitsinerit siulliit ingerlanneqareersimapput, taamaattumik tunisassiassaqarpoq sungiusarfissanik.

Alloriaqqinnissamut aningaasat pingaaruteqarput

Suliarinninnissamulli atortoq suli amigaatigineqarpoq, tamannalu peqatiglugu selskabip 12 millioner dollarsit, tassa 79 millioner koruunit, amigaatigai, sulisut akissarsiaannut, nittarsaanermik suliniuteqarnermut aatsitassanillu suliniutip ingerlanneqarnissaanut aningaasartuutinut allanut atugassat.

– Tunisassiulernissatsinnut aningaasat ukiup matuma ingerlanerani atorfissaqartippavut, True North Gems Greenlandip pisortaa Bent Olsvig oqarpoq.

– Sulimi tunisaqarsinnaasimanngilagut, taamaattumik tunisassiornerup maanna aallartinnissaanut aningaasaliissutissanik pisariaqartitsivugut. Aningaasat pissarsiaritinnagit aallartissinnaanngilagut.

Oqaluttuaq tamaat AG-mi atuaruk, aviisilu aqagu pisiniarfinni pisiarineqarsinnaalissaaq

Powered by Labrador CMS