ilinniartitaaneq
Royal Greenlandip videot atorlugit inuusuttunut ussassaarivoq
Videoliat atorlugit imaani qanoq sulisoqartarnersoq Royal Greenlandimit takusassiarineqarpoq
Namminersornerullutik Oqartussat suliffeqarfiutaat Royal Greenlandi inuusuttut kilisaatini ilinnialernissamik piumassuseqalersinniarlugit pingasunik videoliorsimavoq.
Royal Greenlandip kilisaataataanni suliaqarfiusartut ilaat assigiinngitsut pingasut aquttutut, mistalitut taamatuttaaq tunisassiorfimmi ingerlatsisutut ilinniartuuffiusinnaasut kilisaammi ilinniartunit inuttanillu ilinniarsimasunit videoliani oqaluttuarineqarput.
- Royal Greenland Kalaallit Nunaata imarsiornermik aallussaqarfiulluartunngornissaanut suleqataarusuppoq. Taamaattumik imarsiornermik ilinniakkat inuusuttunut angusaqarluarusuttunut akisussaassuseqarluartunullu kiisalu imarsiortutut kilisaammi ilinniarusuttunut sulerusuttunullu soqutiginarsarneqarnerannut peqataarusuppugut, Royal Greenlandimi inuttalerinermi ingerlatsisoq Mika Heilmann oqarpoq.
Videot uani takuneqarsinnaapput