Aalisarneq
Royal Greenlandip namminersortunngorsarnissaa unammillertaanit taperserneqarpoq
– Namminersorlutik ingerlatsisut Royal Greenlandimit pitsaanerusumik ingerlatsisinnaapput, Halibut Greenlandimit Niels Thomsen oqarpoq
Aalisarnermik ingerlatseqatigiiffiup Halibut Greenlandip pisortaata Niels Thomsenip ilimagaa Kalaallit Nunaata qanoq ittuunera, silaannaa najugaqariaaserlu peqqutigalugit aamma siunissami ukiorpassuani suliffeqarfinnik pisortanit pigineqartunik pilersuisunik soorlu Nukissiorfittut Polaroilitullu ittunik suli peqarnissaa pissusissamisuussasoq.
Atuaruk: Royal Greenlandip namminersortunngorsarnissaa Naalakkersuisut oqaluuseraat
– Kisianni sooq Namminersorlutik Oqartussat aalisarnerup iluani tunisassiornermik ingerlatsisoq pisortanit pigineqartoq namminersorlutik ingerlataqartunut unammillissava nalunagu Royal Greenlandip suliarisinnaasai tamaasa namminersorlutik suliffeqarfiutillit aamma kivissinnaagaat, Niels Thomsen aperaaq.
Atuaruk: Royal Greenlandip namminersortunngorsarneqarnissaa SIK-mit isumaqataaffigineqanngilaq
Taamaattumik Royal Greenlandip namminersortunngorsarneqarnissaa siunnersuutigaa. Soorlu Aalisarnermut Piniarnermut Naalakkersuisup, Hans Enoksenip (PN) tamanna aamma angorusukkaa.
Niels Thomsen, isumaqarpoq kalaallit suliffeqarfiutai aningaasatigut nammatassap kivinnissaanut naammattunik aningaasaateqartut Royal Greenlandili namminersortunngorsarnerani pisariaqartunik.
Suliamut paasisaqarnerusukkuit Sermitsiaq aviisi saqqummersoq kingulleq atuaruk: