Royal Greenlandip Kinamut tunisai marloriaatinngorsimapput
Raajat nunatsinneersut akii ukioq mannaannaq 7 procentimik qaffapput. – Niuerfik nukittuumik inissisimavoq, tuniniaanermut pisortaq oqarpoq. Royal Greenlandip nunatsinni nioqqutissanik tunisassiornermini kaaviiaartitat aatsaat taama amerlatigilersimanerat aamma nuannaarutigaa.
Russit raajanik imminut pilersornerulernissamut qulakkeerinninniarnerminni iluatsisimaalersimasut Royal Greenland sumiiffinni allani ingerlalluarpoq. Minnerunngitsumik nunarsuarmi atuisartunut niuerfiit annerpaartaanni, Kinamiittumi.
AG allappoq.
- Kinamut tunisartakkavut ukiup matuma ingerlanerani marloriaatinngorput, tuniniaanermut pisortaq Bruno Olesen AG-mut paasissutissiivoq.
Taanna 2018-ip ulloq mannamut ingerlasimanerata naammagisimaarnissaanut allanik aamma pissutissaqarpoq. Raajami ukiup ingerlanerani naleqarnerulersimapput.
- Isumalluutit pisassiissutit aqqutigalugit tunniunneqartarmata niuerfiup nukittuumik inissisimaneranut takussutissat pitsaanerpaartaat tassaasarpoq tuniniaanermut akit qanoq ingerlanerat. Royal Greenlandip tuniniaanermut akigititai ukioq manna ulloq mannamut 6-7 procentinik qallunaat koruunini qaffassimavoq, naak tuniniaavitsinni aningaasat assigiinngitsut ilarpassui pitsaavallaanngitsumik ineriartorsimagaluartut, Bruno Olesen oqarpoq.
Taanna ilanngullugu oqarpoq, russit raajartarisartakkaminnik maannakkorpiaq annertunerulersitsisimasut Canadami raajarniarneq appariartortoq.
Royal Greenlandip Ruslandimi niuerfiup qanoq ineriartornera ernumagineqanngilaq.
Royal Greenlandip nunatsinni aalisakkanik tunisassianit kaaviiaartitat aatsaat taama qaffasitsigilersimanerat ukioq manna oktobarimi angusaqartoqarpoq.
Allaaserineqartoq tamakkiisumik aviisimi AG-mi, aqagu saqqummersussami, atuarneqarsinnaavoq. Aviisi uani pisiarineqarsinnaalereerpoq: