Paamiut
Royal Greenland Paamiuni tunisassiornerorusuppoq
Tunisassiorfik saarullinnik Paamiuni tunisassiorfimmut pajuttussamik umiarsualiivoq
Royal Greenland saarullinik pajuttussamik tunisassiorfimmut umiarsuaaliivoq. Saarulliit nunatsinni amerliartuinnavipput, nunatsinniillu piserusuttut imaginnavittut Royal Greenlandip pisortaaneri Paamiuni innuttaasunik sapaatip akunnerata siuliani ataatsimiititsinerminni oqaluttuaraat. Kilisaateeraq sinerissap qanittuata avataani saarullinniassaaq, Paamiuni aalisakkerivimmut pajuttartussaq naak sulisussanik ajornartorsiortaraluarluni.
Paamiuni innuttaasut 50-t missaaniittut Royal Greenlandip ataatsimiititsineranut alapernaakkiarput apeqqutissaaleqinngillallu, Paamiuni suliffissuaq tunisaqarnerussasoq Royal Greenlandip kissaatigaa
- Suliffissuarmi sulisut aalaakkaanerulerput, tunisassiornermi pisortaanerup Lars Nielsenip oqaatigaa. Paamiuni aalisakkanik tunisisartut ikippallaarput taamaammat kilisaammik 79-serimik aalisakkanik pajuttartussamik RG Paamiuliartitsivoq. Royal Greenland ukiut kingullit marluk aningaasanik 10 milliuuni koruuninik aningaasaleeqqippoq saarullinnik tunisassiorneq annertusarlugu. Paamiuni tunisassiorfimmut saarullinik siorna 1,6 tonsinik pisivoq, ukioq-mannalu amerlanerusunik pisisoqarnissaa naatsorsuutigineqarpoq.
Sinerissamiit suliartortitat amerlanerit manna angerlareersimalerput, sulisartullu tallimat Paamiuni suliinnarusullutik kissaatigaat, taamaamat nuuttussanngorput. Tunisasssiorfissuup iliuuserisaq iluarisimaapaa, sulisullu aalaakaanissaat neriorsuutigalugu.
Royal Greenlandip Paamiuni Qasigiannguani aamma Uummannami sulisut pitsaanerusumik atugassaqartinnissaat maanna misissorpaa.