Seafood Star
Royal Greenland nunani tamalaani nersornaaserneqartoq
Kalaallit suliffeqarfiutaat ukiumut tyskit aalisarnermi niuertunut 'Oscarinnatsitsineranni' marlunnik nersornaasigaavoq
Royal Greenlandip tunisassiai marluk, Nutaaq Cod aammalu saarullik pujuugaq nutaaq Gourmet Sliced torsk pitsaanerpaapput.
Tassa ukiumoortumik 'Seafood Star'-ip nersornaasiinerani Tysklandimi Hamborgimi ingerlanneqartumi naliliisartut taama isumaqarput. Taakku qerisunik aamma pujuukkanik tunisassani immikkoortumi pissarsiarineqarput, nersornaasiinerlu sapaatip-akunnerani kingullermi pivoq.
- Nersornaatit marluk taakku pissarsiarineri assut tulluusimaarutigaagut. Annermik tulluusimaarutigaarput nersornaat Nutaaq Codimut tunniunneqartoq, kiisami tunisassiatsinnut pitsaasumut immikkuullarissumullu nersuineq naleqqulluinnartoq pivarput, Royal Greenlandip tuniniaanermi immikkoortortaani Bremenimi Tysklandimiittumi tuniniaanermut ingerlatsisoq Rene Stahlhofen taamak oqarpoq.