Royal Greenland CSR-imik nutaamik suliniuteqarpoq

Royal Greenland suliffeqarfittut sulisorisami isertitakinnerusut meeraasa Danmarkimi efterskolernikkut piginnaasatigut siuariaateqarnissaannut tapersersorumallugit suliniummik nutaamik aallartitsivoq.

Royal Greenland nittartakkamini taama allaaserinnippoq.

Suliffeqarfissuarmi Royal Greenland malillugu nuatsinni inuusuttunut ilinniarfiusartuneersut oqaatigisimavaat, inuusuttut Danmarkimi efterskolersimasut inuusuttunut ilinniakkamik ingerlatsigaangata ilinniartoqatiminnit efterskolersimanngitsunit ingerlalluarnerusartut.

Taamaattumik Royal Greenlandip suliniummik aallartitsinermini kissaatigaa, sulisorisami isertitakinnerusut meeraasa piginnaasatigut siuariaateqarnissaannut, kulturimik allamik misigisaqarnissaannut aamma Danmarkimi efterskolernerminni puigunaatsumik misigisaqarnissaannut, inuusuttullu ilinniarnermi inersimasunngornermilu unammillernartunik aqqusaagaqartarnermik nassataqarfiusartumi inuttut piareersimanerunissaannut periarfissinnissaat.

- Suliniuteqarnitsinni inuusuttuaqqat sisamat Danmarkimi ukiumi atuarfiusumi 2015-16-imi efterskolernissaannut periarfissaqartitsinissarput ilimagaarput, sulisoqarnermi siunnersorti Ulla Skibsted oqarpoq.

Meeqqat ataasiakkaat efterskolernerannut atatillugu angjoqqaatut nammineq akiligassat matussusernissaannut Royal Greenlandip tapiissuteqartarnerata saniatigut meeqqap soorlu kaasarfimmiussaanik aamma efterskolerneranut atatillugu aningaasartuutinut allanut angerlarlunilu juullisioriarluni angalanissaanut aningaasartuutissanut tapiissaaq.