Wednesday, December 6, 2017 - 13:11

Royal Greenland aalisartunut 1,5 millioninik bonusinnatsitsivoq

Aalisartunut 288-iusunut ukioq manna bonusisiassaritinneqartut 1,5 million koruuningajaapput
Assi.: John David Eriksen - Royal Greenland
Aalisartut 288-it nipisat suaannik Royal Greenlandip tunisassiorfiinut upernaakkut tunisaqarsimasut bonusisissapput

Aalisartut Royal Greenlandimut nipisat suaannik tunisisimasut 1,5 millionit koruunit nalinginut bonusisissapput.

Aalisartut nipisat suaannik tunisaqarsimasut kiilumut 3 koruuninik bonusisissapput. Kiilumut bonusisiarineqartoq 3 kouuniusoq 2016-imi kiilumut bonusisiarineqartarsimasumit tassa 2 koruuniusumit 1 koruunimik qaffasinneruvoq.

Royal Greenland nittartakkamini taama allappoq.

- Aalisartut nipisat suaannik Royal Greenlandip tunisassiorfiinut 2017-imi tunisaqarsimasut bonusisiassaat kontuannut 2017-imi decembarip 15-iani ikineqassapput, tusagassiuutinut nalunaarummi tamanna oqaatigineqarpoq.

Siorna nipisat suaannut bonusisiaritinneqartut 1 million koruuningajaapput.

Læs også

saammaateqatigiinnissamik isumalioqatigiissitaq
Seneste nyheder / Nutaarsiassat kingulliit