assartuineq

Royal Arctic Linep sinneqartoorutini annertusivai

Umiarsuaateqarfiup aningaasaqarnermigut 2015-imi angusai 58 millionit koruuninik ukiup siulianut sanilliullugu pitsanngoriaateqarput

Royal Arctic Linep umiarsuai amerlanerusunik assartugaqalerput - tamatumalu sinneqartoorut annertunerutippaa

Royal Arctic Line 2015-imi akileraarneq pitinnagu 91 millionit koruuninik sinneqartooruteqarpoq, umiarsuaateqarfik ilisimatitsivoq.

Tamanna 2014-imut naleqqiullugu malunnarluartumik siuariarneruvoq, 2014-imimi sinneqartoorutit 33 millionit koruuniummata.

Atuaruk: RAL-ip umiarsuaa nutaaq siulleq tunniunneqartoq

Assartukkat amerlanerusut
Tamakkiisumik isigalugu assartukkat amerlisimapput naak 2014-imi kujammut assartukkat 4 procentinik ikileriarsimagaluartut.

1.marts 2015 aallarnerfigalugu akuerisaasumik assartukkanut akimik qaffaaneq angalariaatsillu 9/12-ip 2015-ip aallartinnerani eqqunneqarnera aamma pitsaasumik sunniuteqarsimapput.

Uulia akikinnerusoq
Orsussamut akit ineriartornerat aningaasartuutit ikilinerannik malitseqarsimapput, tamakkulu sullissanut iluaqutinngorlugit tutsinneqarsimapput.

Angusat naammaginartutut umiarsuaateqarfiup Namminersorlutik Oqartussanit nalilerneqarpoq.

Atuaruk: Royal Arctic Linemi pisortat nutaat inissittut

Powered by Labrador CMS