Royal Arctic Line
Royal Arctic Linep qullersaqarfiani taarsiineq
Royal Arctic Line nutaamik aningaasaqarnermut pisortartaassaaq. Bent Ole Baunbæk ukiut arfineq-marluk sulereerluni suliunnaariasaarpoq.
Bent Ole Baunbækip apriilip 20-anni naggataamik sulinerata kingorna, aningaasaqarnermut pisortatut atorfik inuttaqarunnaarpoq.
Suna pissutaanersoq nalunartoq
Ingerlatseqatigiiffup imaluunniit Bent Ole Baunbækip pisut pillugit Sermitsiaq.AG-mut ersarinnerusumik nassuiaateqarusunngillat.
- Bent Ole Baunbækip suliffeqarfimmi atorfeqarunnaarneranut pisut suliffeqarfiup aamma Bent Ole Baunbækip akornanni pipput, taakku ilisimatitsissutiginissaat kissaatiginngilarput, Royal Arctic Linep mailimi Sermitsiaq.AG-mut nassiussaani atuarneqarsinnaavoq. Taamaalilluni soraarsitsisoqarnersoq imaluunniit nammineerluni tunuartoqarnersoq nalorninarpoq.
Atuaruk: It-systemi nutaaq nassiussanut kinguaattoortitsisoq
Bent Ole Baunbæk ingerlatseqatigiiffimmi ukiuni arfineq-marlunni aningaasaqarnermut pisortaasimavoq.
Sulisussarsiorneq aallartereersoq
Aningaasaqarnermut pisortamik nutaamik pissarsiorneq aallartereersoq, Royal Arctic Line ilisimatitsivoq, nutaamillu nassaartoqarnissaata tungaanut aningaasaqarnermut pisortaqarfia pisortaanermut Verner Hammekenimut akisussaaffigitinneqarpoq.