Royal Arctic Linenimi assartugassat suli ajornartorsiutaasut

Royal Arctic Linenip (RAL) taakkununnga nalunaaruteqarsimavoq it-systemi nutaaq assartugassanik ajornartorsiortitsisoq aatsaat juunimi atorneqalissasoq, Kalaallit Nunaani Brugseni, Sermitsiaq.AG-mut paasissutissiivoq.

Atuaruk: Royal Arctic Line ajugaasoq

- Royal Arctic Line-ip systemi nutaaq aallarnerniarlugu ajornartorsiutai Kalaallit Nunaanni Brugsenimi soorlu aamma niuertartugut pakatsissutigaarput, Brugseni nalunaarummini oqarpoq.

Containerit Nuummut niusitaasimasut

Assersuutigalugu containeri nerisassanik imalik Qaqortuliartussaagaluartoq maani Nuummi uninngarujoorpoq. Soorlu containeri Maniitsulartussaagaluartoq taamatuttaaq inisseqqasoq, Brugseni allappoq.

Atuaruk: It-systemi nutaaq nassiussanut kinguaattoortitsisoq

Tamanna aamma banaaninut atuuppoq. Banaanit Paamiuliartussaagaluit, Narsamut, Qaqortumut aamma Nanortalimmukartussaagaluit maani Nuummi niusitaasimapput.

- Tamakkuuppullu suliffeqarfitta pisiniartartuttalu misigisarsimasaata ilamininngui. Ajornartorsiut utoqqatsissutigaarput, neriuppugullu erniinnaq iliuuseqartoqassasoq, pissusissamisullu ingerlaqqilissalluni, Brugseni allappoq.

Royal Arctic Linenip pisortaanera, Verner Hammekeni oqaaseqartinniarlugu Sermitsiaq.AG sulissuteqarpoq.