Royal Arctic Linemi pisortap tullia suliunnaalerpoq

Isumaqatigiissuteqarneq tunngavigalugu pisortap tulliatut inissisimasoq John Rasmussen septemberip qaammataata naanerani suliunnaalerpoq, Namminersorlutik Oqartussat suliffeqarfiutaat ilisimatitsivoq.

Ukiut 20-t sinnerlugit
John Rasmussen Royal Arctic Linemi aallartippoq ukiut 23-it matuma siorna, piginneqatigiiffik pilersinneqarmat. Rotterdamimiit Kalaallit Nunaannukarpoq, Rotterdamimi containerinik assartuisarfimmi Sea-landimi sulereerluni.

Atuaruk: Aajuna Royal Arctic Linemi pisortaq nutaaq

Ingerlatsinermut pisortaq
John Rasmussen aallaqqaataani Royal Arctic Linemi terminaloperationschefitut (assartugalerinermik ingerlatsinermi pisortatut) sulivoq kingusinnerusukkut umiarsualivinni pisortanngorluni, 2006-imilu John umiarsuaatileqatigiiffiimmi pisortap tulliatut toqqarneqarpoq Royal Arctic Bygdeservicemi pisortaaninngorluni.

Pingaarutilik
Tassani John Rasmussen ingerlatsinermi pingaaruteqarluinnartutut inissisimasimasimavoq aamma sinaakkutissatut ukiunut 20-inut atuuttussamik isumaqatigiissusiornermi, nunaqarfinnut assartuinerup iluani nutaanik sanaartortitsinernut tunuliaqutaalersumik.

- MBA-tut ilinniarnera naammassereerlugu misigisimavunga nutaanik nukersuuteqarusullunga, John Rasmussen oqarpoq.

Royal Arctic Linemi pisortaaneq Verner Hammeken, John Rasmussen umiarsuaatileqatigiiffiup ineriartortitsinermi annertuumik pingaaruteqarsimasoq.

- John tunniusimalluni maannamut sulininini uatsinnut tunniussimavaa Royal Arctc Linemiillu suleqatiginera nuannarisimavarput. John ingerlaqqinnissaani ajunnginnerpaanik kissaapparput, Verner Hammeken oqarpoq.

Atuaruk: Royal Arctic Linep amigartoorutini affaannanngortippai