Royal Arctic Line
Royal Arctic Line ajutoornernik nangitittoq
Umiarsuaateqarfik Royal Arctic Line piffissami matumani ajutoornernik qarasaasiatigullu atortorussaarutitigut unammilligassaaleqinngilaq.
Piffissami kingullermi Royal Arctic Linep ajutuullattaaneri amerlatsikkiartuinnavipput.
It-systemi qinngasaarisoq
It-systemip nutaap atorneqalerneranit qaammatini arlalinni ingerlatsinermik assartugassanillu qinngasaarusimavoq, tamannalu atuisunut kiffartuunneqartunut arlalinnut kinguaattoornermik misigisaqarfiuvoq.
Taassuma saniatigut umiarsuaateqarfiup umiarsuaatai marlik atorneqarsinnaanngikkallarput amutsivimmilu suliarineqartariaqarlutik. Aap, juunip qaammataa umiarsuaateqarfimmut nangitiffiusimaqaaq.
Maajip ulluisa 31-ni umiarsuaq containerinik assartuut Mary Arctica nassiussanik Aalborgimukartunik useqarluni unnukkut Nanortaliup eqqaani iluliamut aporpoq. Umiarsuaq misissorluarumallugu Qaqortumukartinneqartariaqarsimavoq, tassanilu paasinarsivoq umiarsuaq amutsivimmi suliarineqartariaqartoq. Umiarsuup sarpia Aalborgimi iluarsartuunneqartussaavoq, maannamullu suli suliarineqarsimanani.
Arina assartuutitut atorneqalertoq
Mary Arcticap ajutoornera aaqqiissuteqarfiginiarlugu umiarsuaateqarfiup Arina Arctica taarsiuttariaqarsimavaa, kisiannili taassuma nassiussat usisinnaasai annikinnerujussuupput.
Ullut qulingiluat qaangiunnerini umiarsuaq mikineq Johanna Kristina Tunup sineriaani teknikkikku ajutoorpoq, siullermik umiarsuaateqarfimmi juunip ulluisa qulingiluaani nalunaarutigineqarluni. Nunaqarfiillu Kulusuk, Sermiligaaq, Tiniteqilaaq aamma Isortoq ajutoornermit eqqugaapput, ajutoornerlu ilimagisamit ajornerusoq paasineqarluni.
Iluliamineq sarpimmiittoq
- Johanna Kristinap sarpia kassummissimammat sarpiata akselia ajoqusingaatsiarsimavoq taamaammallu amutsivimmi iluarsaanneqartariaqalerluni., umiarsuaateqarfik juunip ulluisa 13-ni taama paasissutissiivoq, nioqqutissallu sukkanerpaaq atorlugu nunaqarfinnut taaneqartunut apuussorneqarnissaat sulissutigineqartoq, nalunaarutigaat.
Sisamanngornermilu paasineqarpoq containeri qerititsivik Aalborgimiittoq kalaaliminernik 2,2 tonsinik imaqartoq imai tamarmik ajortissimasut, tassanilu umiarsualivimmi containerip nuunnerani kallerup inneranut ivertinniarlugu puiorneqarsimanera pissutaavoq.
Ingerlatsinermik akornusiisoq
- Ajutoornerit tamarmik sooruna ingerlatsinitsinnut akornusiivoq, tamassumalu sullitatsinnut tunnera assut ajuusaarnarluni, umiarsuaateqarfiup maalaaruteqartarfiani aqutsisoq Henning Jollmann, Sermitsiaq.AG-mut oqarpoq.
Sullitalli iluamik nassuiaanneqarsimatillutik paasinnilluartartut, taassuma paasissutissiaraa.
- Taamaattoq sullitaqarpugut kamaminnik aqitsisinnaanngitsunik tamannalu uatsinnut tutsippaat, maalaaruteqartarfiup aqutsisua taama oqarpoq.