Røde Kors

Røde Korsip immikkoortortaqarfia aallartilluartoq

Kalaallit Røde Korsiata Tasiilami immikkoortortaqarfianik pilersitsisoqarneranut soqutiginninneq annertuvoq.

Røde Kors aamma Tasiilamiilerpoq

Sisamanngornermi unnukkut pilersitsilluni ataatsimeersuartoqarpoq, innuttaasullu 60-t missaanniittut siunertamut ajunngitsumut ilaasortanngorniarlutik allatsipput.

- Unnuk naammagisimaartorujussuuarput, allattoqarfimmi pisortaq Kirsten Mortensen, Kalaallit Røde Korsianneersoq, tusagassiuutinut nalunaarut naapertorlugu oqarpoq.

Ataatsimut nukittuvugut
Oqaatsit najoqqutat ''Ataatsimut nukittuvugut'' tunuliaqutigalugit siulersuisut quliusut ataasinngornermi inissinniarput.

Kajumissutsiminnik siulersuinermi peqatigiiffilerinermilu suleqataaniartut ukuupput:

  • Anna Kuitse Kuko
  • Ebba Josvassen
  • Aviaja Ikilia Abelsen
  • Robert Tukula
  • Paulus Lind
  • Karen Poulsen
  • Karoline Bianco
  • Augo Nuko
  • Ane Kuitse
  • Hjørdis Viberg

Peqatigiiffimmut nutaamut soqutiginninneq annertummat, Kirsten Mortensenip nuannaarutigaa, tassami suliassarpassuaqarmat. Suliassallu amerlanerusunut agguaassorsinnaagaanni aallartinneq oqinnerussaaq.

Aliikkusersuineq
Pilersitsilluni ataatsimeersuartoqarnerani qatanngutigiit Adolf aamma Efraim Kristiansen ataatsimut erinarsukkanut nipilersortuupput:

  • Nakuussuutigaara pingaarnerusoq
  • Ataatsimoornarpugut taakkuulluta
Powered by Labrador CMS