Royal Greenland

RG-p pisortaanera: Sulisussaqanngikkutta tunisassiorsinnaanngilagut

Jens K. Lyberth sulisussanik tunngaviusunik suliffissuarni ingerlatsisoqaannarsinnaaneranik qulakkeerinnissinnaasunik qularnaarinninniarluni Asiamit sulisussanik tikisitsisariaqarnermuttaarsiullugu periarfissamik allamik takusassaqannginnerarpoq

- Når vi har investeret mange penge, er det også nødvendigt, at der kommer nogle fisk igennem, siger Jens K. Lyberth, Royal Greenland.

Jens K. Lyberth sapaatip akunnerani AG aviisimi saqqummertumi, tikisitat qulequtaralugu, apeqqarissaarfigineqarpoq.

4 procentiusut

Kalaallit Nunaanni ukioq kaajallallugu sulisorineqartunit 1.400-nit asiamiut 4 procentit missaanniittut, Royal Greenlandimi Corporate Relationsimi pisortaanerup paasissutissiaraa.

Suliffeqarfiup suliassaqartitsiumalluni sapinngisamik aalisakkanik annerpaamik suliareqqiisarnissaa kissaatigineqarsimasoq, taassuma nassuiaatigaa.

Sulisut

- Aningaasanillu taama amerlatigisunik aningaasaliissuteqarsimagatta taava aalisakkanik suliaqartoqarnissaa aamma pisariaqarpoq. Sulisussanillu pissarsisinnaanngikkuta tunisassiorsinnaanngilagut. Maniitsumi ukiumi siullermi aalisartunut sulisunullu 15 millioner koruunit akiliutigaavut. Ukioq manna 60 millioner koruuninik akiliuteqarnissarput naatsorsuutigaarput. Sulisussanik pissarsisinnaanngikkutta aalisartut tulaassisinnaanngillat, sulisullu sulerusuttorujussugaluit aamma sulisinnaanatik, tunisassiorneq ingerlaavartumik pisinnaanngimmat. Taamaattumik suliartunngitsoortoqaraangat kikkut tamarmik eqqugaasarput. Kisianni tunngaviusunik sulisoqalerutta, Kinamiuinnaanngitsunik siunissamilu Filippinerimiuinnaanngitsunik, aamma Nordjobimik aaqqissuussineq aqqutigalugu inunnik Maniitsumilu nunaqavissunik sulisutsialinnik, inuttaqartunik, taava aalisakkanik suliaqartoqartassaaq. Taava tunisassiorfik ingerlasinnaalissaaq, tamannalu aningaasaliissutitsinnik iluaquteqarsinnaalernissatsinnut piumasaqaatit ilagaat, Jens K. Lyberth AG aviisimut erseqqissaavoq.

Apeqqutigineqartut

Pisortaaneq AG-mit arlalinnik aperineqarpoq. Ilaatigut:

  • Kalaallit sulinissamut kajumissuseqanngippallaarpat?
  • Kisianni sooq Asiamiut – tassami kalaallinik suliffissaaleqisoqarpoq?
  • Asiamit sulisussanik tikisitsisarnerup eqqumiitsuusutut inuppassuarnit isumaqarfigineqarnera paasisinnaavisiuk?
  • Aaqqiissutissatut akulikinnerpaamik saqqummiunneqartartoq tassaavoq akissarsiarissaartitsinerunissaq. Taamaaliornissamut suna akornutigaasiuk?

Akissutit pissarsiarikkit

Pisortaanerup AG aviisimut akissutai AG aviisi pisiaralugu pissarsiarikkit. Aviisi uani pisiassaavoq:

Powered by Labrador CMS