skolestart
Rektor: Nunat allat aamma misilissigit
Nunatta universitetiani Ilisimatusarfimmi semesteri nutaaq ataasinngornermi aallartinnersiorneqarpoq
Ilisimatusarfimmi ilinniartut nutaat 171-it ataasinngornermi aallartipput. Taamaasillutik aasaq Nunatsinni ilinniarnertuunngortut affaat sinnillit Ilisimartusarfimmi aallartipput.
Ilinniartut taamaatiinnartartut ikilisarniarlugit Ilisimatusarfik sulininiarnermik nangitsiniarpoq pingaartumillu ilinniartut nutaat samminiarlugit.
Aamma erseqqissaatigineqarpoq ilinniarnermik sivisuumik ingerlanneqartumi imminut nutartertarnissaq pisariaqartoq.
- Ilinniartuutivut nunani allani Danmarkimi nunarsuarmiluunniit nunami allami ilinniartarnerat pingaarutilinnik piginnaasaqalerfiusarpoq, Ilisimatusarfimmi rektori Tina Pars tikilluaqqusinermini ilaatigut taama oqarpoq.
Ilinniartunngorlaat imatut agguataarsimapput:
19 Nutserisunngorniarfimmi oqalutsinngorniarfimmilu
45 Ilinniartitsisunngorniarfimmi
17 Oqaatsit, atuakkiat tusagassiuutillu
24 Kulturi inuiaqatigiillu oqaluttuarisaanerat
14 Peqqissaasunngorniarfimmi
18 Inuiaqatigiilerinermi
17 Inunnik isumaginnittunngorniarfimmi
12 Tusagassiortunngorniarfimmi
5 Teologiimi