nipilersorneq
Rasmus Lyberth nipilersornermut nersornaatinut innersuunneqartoq
Rasmus Lyberth ataatsimik arlalinnilluunniit inuusaliannguanik nersornaaserneqassanersoq, arfininngorpat nersornaasiinermi festernertalimmi aalajangerneqassaaq
Danish Music Awards Folk 2015 arfininngorpat novemnberip 28-ni, kulturip illorsuani nutaami Absalonimi Københavnimi Vesterbromi qallunaat inuiattut nipilersortarnerannut nersornaasiisoqalerpat, inuusaliannguit arfinillit aamma nersornaasiinerit allat marluk tunniunneqassapput.
Assigiinngitsuni arfinilinni inuusaliannguanik nersornaasiisoqassaaq:
- Saqqummersitatsialak
- Erinniortutsialak
- Talliortutsialak
- Nipilersortartoq aamma erinartortartutsialak
- Piukkunnaatilik
- Maligassiusumut nersornaat
Nersornaatit aamma marluk allat tunniunneqassapput: Årets Folk Spillested aamma Tinglutiprisen.
Inuusaliannguanut pingasunut toqqagaasinnaasoq
Rasmus Lyberth nuuteeraliaminik Alaatisinaassuseq Aquttoralugu pillugu assigiinngitsuni pingasuni innersuunneqarpoq. Tassa ukunani: Saqqummersitatsialak, erinniortutsialak aamma taalliortutsialak.
Nuuteeraq nersualaarneqaqisoq Alaatsinaanneq Aquttoralugu saqqummersitsivik Exlibris aqqutigalugu saqqummersinneqarpoq.
Danish Music Awards Folk 2015 qallunaat inuiattut nipilersortartuinut nersornaasiinermut atatillugu festimik angisuumik aaqqissuissaaq.