Randi qinersinissamut qilanaartoq: - Neriuppunga 17. april pissasoq
Demokraatit siulitaasuata Randi Vestergaard Evaldsenip upernaamut Inatsisartunut qinersisoqarnissaa naatsorsuutigisimavaa, taamaakkaluartoq ullumi suaarutiginnittoqarnera tupaallaatigaa.
- Soorunami qinersinissamik massakkut suaarutiginnittoqarmat nuannaarutigeqaraa. Upernaakkut qinersisoqarnissaa naatsorsuutigisimavarput, taamalu siusitsigisukkut qinersititsisoqarnialermat tupaallaatigilaarpara. Upernaap naajartornerani qinersisoqarnissaa naatsorsuutigisimangaluarparput.
Demokraatit siulittaasuat Randi Vestergaard Evaldsen, Naalakkersuisut siulittaasuat Kim Kielsen (S) ullumi qinersinissamik suaarutiginninnerata kingorna, Sermitsiaq.AG-mut oqarpoq.
- Qinersineq 17. april imaluunniit 24. april pissasoq Kim Kielsenip oqaatigaa. Illit ulloq sorleq iluarunerussaviuk?
- Sukkanerpaamik qinersisoqarnissaa neriuutigaara. Uanga nammineerlunnga 17. april pinissaa neriuutigaara, Demokraatit siulittaasuat akivoq.
Taanna paasissutissiivoq, partii qinersinissamut piareersarluarsimasoq.
- Ukioq manna qinersisoqarnissaa ilisimareeratsigut piffissami sivisuumi piareersarsimavugut. Partiip qinigassanngortitai 25-t piareersimapput ilaqqinnissaallu qularnanngilaq. Partiimiillu aatsaat taama amerlatigisunik qineqqusaartitaqarnissarput oqaatigisinnaavara, Randi Vestergaard Evaldsen oqarpoq.
Læs hele sagen:
-
Vittus skal samle flere underskrifter
-
Kim Kielsen udskriver valg
-
Situationen var politisk uholdbar
-
Politikkikkut killiffik atorsinnaanngilaq
-
- Atsiornerit piareerumaarpagut
-
- Jeg er klar med plan B
-
- Pilersaarutima aappaa piareeqqavoq
-
- Jeg håber det bliver 17. april
-
- Vi bliver klar med underskrifterne
-
Hans Enoksenip siusissukkut qinersinissaq pakatsissutigaa