naartuersittarneq

Randi Naalakkersuisunut: Naartuersittarnermut ajornartorsiut iliuuseqarfigisiuk

Inatsisartuni ilaasortaq Randi Vestergaard Evaldsen, naartuersittarnerit amerlasuut qanoq pinaveersaartinneqassanersut Naalakkersuisunut apeqquteqarpoq

Demokraatineersoq Randi Vestergaard Evaldsen paragraf 37 naapertorlugu Naalakkersuisunut apeqquteqarpoq

Nunatsinni naartuersittarnerup ajornartorsiutaanera qanoq qaangerneqassanera maanna oqallisaaleruttorpoq.

Sermitsiaq.AG-p ataasinngornermi allanneratut, Atassutip Inuusuttaani siulittaasoq Masauna Peary, naartuersittut annertunngitsumik akiuliuteqartalernissaat eqqunneqartariaqartoq siunnersuuteqarpoq.

Siunnersuulli Inuit Ataqatigiinneersumik Naaja Nathanielsenimit tigulluarneqanngilaq, taanna isumaqarami 'siunnersuut atasinnaanngilluinnartoq'.

Atuaruk: Atassutip Inuusuttaat: Naartuersittarnerit akeqanngitsuujunnaartariaqarput

Naartuersinnerit amerlavallaat
Kisiannili ajornartorsiut aaqqiivigineqarnissaanut Naalakkersuisut qanoq pilersaaruteqarpat?

Demokraatineersoq Randi Vestergaard Evaldsen paragraf 37 naapertorlugu pingasunik apeqquteqarpoq.

- Isumaga naapertorlugu taamattumik qularutissaanngilaq, naartuersittartut amerlavallaarujussuartut imali ajortigaaq allaat naartuersittartut amerlassusaat aalaakkaalluni, tassa allatut oqaatigalugu pinaveersaartitsiniutaasimajunnartut iluaqutaasimanngillat, Demokraatineersoq apeqquteqarnermini tunngavilersuutimini taama allappoq.

Randi Vestergaard Evaldsenip aamma ilaatigut apeqqutigaa nunap immikkoortuisa ilaanni Naalakkersuisut isumaat naapertorlugu suliniutinik aallartitsisoqarnissaa immikkut pisariaqartinneqarnerdoq, naartuersittarnernik ikilisaaqataasinnaasunik.

Atuaruk: Akiliisitsisalernermut siunnersuut avissaartuutaasoq

Powered by Labrador CMS