Aningaasanut inatsit
Randi: Aningaasaatiginngisannik atuineq ajorpunga
Demokraatit siulittaasuata 2017-imi aningaasanut inatsisissatut siunnersuummut itigartitsinerminnut tunngavilersuutigaa, arlaannik piumasaqaraangami ileqqaarnissaminik perorsagaasimanini
Nunap aningaasaqarneranut ineriartortitsinissamut killiliisumut akisussaassuseqanngitsumillu aningaasanik aqutsinermut taamaattumut, Naalakkersuisut nutaat iliuuserisaannut tapersiisinnaannginnatta, Demokraatit siulittaasuat Randi V. Evaldsen oqarpoq.
Taanna qaammatit marlussuinnaat matuma siornagut siusinnerusukkut Naalakkersuisut sinnerlugit, Inatsisartut ukiakkut ataatsimiinneranni 2017-imut Aningaasanut inatsisissatut siunnersuutip siullermeerlugu oqallisigineqarnissaanut saqqummiussisuusoq.
Atuaruk: Demokraatit amigartoorneq quarsaarutigaat
Itigartitsivoq
Saqqummiussimaannaleraali naalakkersuisoqatigiinnut unammilligassanik saqqummertoqarpoq, taakku tassaapput Inatsisartuni partiit annersaat Siumut, Naalakkersuisut siulittaasuannik Kim Kielseni-mik siuttoqartut, aamma partit talerperliit mikisut marluk: Atassut, Knud Kristianseni-mik siuttoqartut aamma Demokraatit Randi V. Evaldsenimik siuttoqartut. Kim Kielsenilli tupaallaatigineqartumik naalakkersuisoqatigisani Inatsisartuni illuatungiliuttunik taarserpai, partiit saamerliuniartuusut Inuit Ataqatigiit aamma Partii Naleraq naalakkersuisoqatigilerlugit.
Atuaruk: Oqimaaqatigiisitsineq 145 millioninik amigartoorummik taarserneqartoq
Aningaasat piginngisat atorneqartut
Randi V. Evaldsen aamma isumaqarpoq aningaasanut akileraartarnermullu naalakkersuisunngortoq aningaasanut inatsisip inaarutaasumik akuersissutigineqarneranut akisussaasuusoq, namminermi oktobarip 28-anni 2016-imi naalakkersuisutut tunuarami, taamaalillunilu aningaasaqarnermut tunngasunut akisussaasuujunnaarluni.
- Aningaasanimmi pigeriinngisannik atuinissara aamma politikkerinngilara. Aammami arlaannik kissaatigisaqaruma ileqqaaqqaartassasunga perorsagaagama.
Allaaserisaq tamaat Sermitsiami atuaruk. Aviisi uani pisiariuk: