Topchef-exit

Ramsdal: Akissarsiat oqaaseqarfigiumanngilai

Siunnersuinermik ingerlatsiviup isornartorsiorneqartup Ramsdal-ip akiumanngilaa namminersorlutik oqartussat ingerlatsivimmut akissarsiaqartitsissanersut

Namminersorlutik Oqartussani atorfitsitsinermut ataatsimiititaliap - Naliliinermut Ataatsimiititaliap - naalakkersuisoqarfimmi pisortamik tunuartumik Carsten Frank Hansenimik mamianartuliami qallunaat siunnersuinermik ingerlatsivat Ramsdal pisuutinniarsarigaa, Svend Hardenbergip isornartorsiuinera Ramsdalip oqaaseqarfigiumanngilaa.
Ilaatigut Sermitsiaq.AG.p pingasunngormat oqaluttuaraa namminersorlutik oqartussat Ramsdalimut 85.000 koruuninik akiliuteqarsimasoq, Carsten Frank Hansenimik nassaarneranut.
– Pisimasoq pissutigalugu misissorneqassaaq tunngavissaqarnersoq akiliutit sulisussarsiuussisarfimmit utertinniarneqassanersut, Svend Hardenberg oqarnikuuvoq.
Atuaruk: "Ramsdal ima akissarsivoq - imaluunniit?"
Atuaruk: "Mamianartuliornerup kingorna sakkutusiinerit nutaat"
Apeqqulli tamanna Ramsdalip pisortaata Karl-Erik Nielsenip, Sermitsiaq.AG-mut isummerfigiumanngilaa.
– Tamanna maannangaaq oqaaseqarfigisinnaanngilara, taanna naatsumik akivoq.
Aamma Svend Hardenbergip oqarnera, tassa namminersorlutik oqartussat pisortanik atorfinitsitsineranni sakkortusiisoqassasoq, Karl-Erik Nielsenip aamma oqaaseqarfigiumanngilaa.

Powered by Labrador CMS