Royal Arctic Line

RAL'ip kiffartuussinera isornartorsiorneqaqqittoq

Royal Arctic Line'p kukkusumik assartuisarnera ajorineqaqqippoq. RAL'ip kiffartuussinera Royal Greenlandimit 'aarlerinartinneqarpoq'

Ny kritik rammer Royal Arctic Line

- Containerinik imaqanngitsunik palletsinilu pilersuilluannginnermi nalorninartorsiortitsinerit, kilisaatinik usingiaasinnaannginnerit aamma umiarsuit containerinik pilersuisussat tikinnissaat nalorninartullit ima nalinginnaalersimatigaat aallaat Royal Greenlandimi ingerlassaanut nunamiittunut imaaniittunullu eqquinerlullutik.

Nunatsinni suliffeqarfiit anginersaat, Royal Greenland, Royal Arctic Line'p sullissinera pillugu nittartakkami, taama allappoq.

Qaammatip ingerlanerani KNI'p Royal Arctic Line'p assartuinerluttarnera ingasatsikkiartuinnarnera sakkortuumik isornartorsiorfigisimavaa.

Atuaruk: KNI Royal Arctic Linemut naammagittaannarsinnaajunnaarpoq

Maniitsumi tunisassiorfik matunissaminut aarlerinartorsiortoq

Royal Arctic Line'mi kukkuluttorneq pissutaalluni, pingaartumik Maniitsumi tunisassiorfik matunimissamut aarlerinartorsiortoq, Royal Greenland paasissutissiivoq.

- Assersuutigalugu Maniitsumi tunisassiorfik maanna containerinik imaqanngitsunik pilersorniarneqarnerup tungaatigut sivitsulersumi ajornartorsiorfiusimavoq, allaat tunisassiorfiup qerisuusiviata ulikkaartoorneranik kinguneqarsimalerluni. Qerititsivillu ulikkaaqqatillugu tunisassiorneq ingerlasinnaanngilaq, RG allappoq.

'Ajornartorsiutit qaangeruminaatsut' aamma oqaatigineqarpoq.

- Upernaviup pigisaani Saqqamilu tunisassiorfiit palletsissaaleqinikkut eqqugaasorujussuupput, Saqqami tunisassiorfik palletsissaminik qaammatini marlunni utaqqisimalluni. Taamatuttaaq imaani ingerlatsineq RAL'ip aarlerinartumik kiffartuussineranit eqqugaavoq. Royal Greenlandip kilisaataataasa ilaat Akamalik Sisimiuni ulluni marlunni uninngaannartariaqarpoq, uffa usingiarnissaa siornali inniminnerneqarsimagaluartoq, Royal Greenland erseqqissaavoq.

Pilersaarusiornerlunneq

Suliffeqarfimmullu ilungersunarpoq.

- Ilungersunaqaaq, pilersaarusiornikkut aalisarnikkulu RAL-ip pilersaarusiornerlunneranit akornusersorneqarnitsigut Royal Greenland iluanaarutissaraluaminik annaasaqarpoq, Royal Greenlandip kilisaatileriffiani ingerlatsisoq Jens Bisgaard, nittartakkami oqarpoq.

Akimmisaaruterpassuilluunniit eqqaaginnarlugit avannaani sikuppat pilersuinerup usingiarsinnaanerullu tungaatigut Royal Greenlandi ernumaammisaanngitsuunngilaq.

Powered by Labrador CMS