Skip to main content

RAL ukioq ataaseq ingerlanerloreerluni: Maanna piffissaq eqqorlugu ingerlaarp

Royal Arctic Line 2017-imi ingerlanerliorujussuareerluni kiisami pingaarnertut niuerfini iluarsivaa, umiarsuaatileqatigiiffik nittartakkamini taama ilisimatitsissuteqarpoq.

Maajimi imarpissuaq ikaarlugu Kalaallit Nunaatalu sineriaani ingerlaarfiit 60-it ingerlanerinni piffisssaq eqqorlugu ingerlaarniarnerit 95 procentimi inissisimavoq, apriilimilu ingerlaarfiit 51-iusuni 96 procentimi inissisimalluni, umiarsuaatileqatigiiffik ilisimatitsivoq.

Assigiinngitsorujussuit

Ukioq manna piffissamik eqquneq 80 procentimiippoq, siorna 57,5 procentimiilluni.

Umiarsuaatileqatigiiffimmit Namminersorlutik Oqartussanit pigineqartumit nalunaarutit atuisunit nassiussanik allanngujaatsumik tunniussisarnissanik pisariaqartitsisunut nuannaartitsisimassapput.

It-systemi nutaap atulerneqarnera umiarsuaatileqatigiiffimmut qaammatini arlalinni ajornartorsiortitsinikuuvoq, tamannalu containerit suliarinerannut ajornartorsiortitsivoq.

- Containerilerinerput aamma patajaatsumik ingerlavoq, nassiussanillu tunniussineq, ingammik Nuummi, aallerfissaq sioqqullugu ingerlanneqarsinnaalluni. Akiligassaliortarnitta pitsaassusaa, kreditnotaliortarnerput isiginiassagaanni, aamma tamanna ajunngitsumik inissisimavoq (akiligassalioraangatta nalinginnaasumik kreditnotaliortarpugut 5 %-imik), umiarsuaatileqatigiiffik ilisimatitsivoq, taanna aamma allappoq. ‘’Patajaassuserput anguniagarput malillugu ingerlanera peqqutaalluni ajunngitsumik ingerlavugut. Kalaallit Nunaata ajornannginnerusumik niueqatigineqarnissaa anguniarlugu.’’

Sapaatip-akunnerata siualiani ingerlatseqatigiiffiit arlallit ukiumut naatsorsuutit pillugit nalunaaruteqarnerminni allanngorartumik tunniussisarnerit pissutigalugit siorna aningaasanik annaasaqarsimanertik ilisimatitsissutigaat, kisianni taakku ajornartorsiutit 2018-imi aaqqinneqarsimarpasipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER