Skip to main content

RAL Tysklandimi aningaaserivimmit ikioqqusariaqartoq

Royal Arctic Line 2017-imi aningaasartuutit amerleriapiloornerisigut ajutoornerpassuillu kingornagut Tysklandimi aningaaserivimmit piumasaqaatinik naammassinnissinnaasimanngilaq

2017 Royal Arctic Linemut ukiuuvoq sussaangitsoq. IT-mi atortut nutaat ajalusoorput. Containerit anngutinngitsoortut. Imaluunniit RAL’p ataatsimeersuarnerani pisortaanerup Verner Hammekenip oqarneratuut: »2017 ukiuuvoq sakkortooq. Ukioq assoralisimaarfiusoq«.

Aningaasartuut ima amerleriapiloortigaat RAL’imi aqutsisut Tysklandimi aningaaserivimmut ingerlatseqatigiiffiup umiarsuarnik nutaanik  pisinermini taarsigassarsiffianut qinnulooriartortariaqarlutik.

Royal Arctic Linemi pisortat ukioq manna februaarimi Tysklandimi kreditinstituttimik ataatsimeeqateqartariaqarput  taarsigassarsianik kinguartitsiniarlutik.

2017-imi 7,5 million koruuninik amigartoortoqarneratigut RAL’ip angusai ajorpallaaqaat. Ingerlatseqatigiiffiup Tysklandimi aningaaseriviup  piumasaqaatai naammassisinnaasimanngilai tassalu angusat erniatigut aningaasartuutinit 1,5-inik amerlanerunissaannik piumasaqaat.

Taamaanngippat Tysklandimi aningaaserivik piffissami sivisuumi akikitsunik taarsigassarsititsisinnaanngilaq.

2017-imi ajorluinnartumik angusaqarneq  peqqutigalugu sioorasaarisoqarpoq umiarsuarnut nutaanut taarsigassarsititsineq piffissami  sivikitsumiussasoq. Taamaalillunilu akisunerujussuulluni.

Royal Arctic Line’p tyskit aningaasaateqarfianut unammilligassaqarnera pillugu allaaserisaq AG aviisimi kingullermi saqqummertumi tamakkerlugu atuaruk. Aviisi uani pisiassaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER