model nutaaq
RAL sipaarniarnerulerpoq
Nunatsinni umiarsuaateqarfiup kisiartaasup, Royal Arctic Linep (RAL), aqutisui nutaat annertuumik aningaasaliissuteqareerlutik suliffeqarfik millisarniarlugu aalajangerput
RAL-ip suliffeqarfiutai Royal Arctic Logistics aammalu Royal Arctic Bygdeservice iliuusissamik pilersaarut nutaaq malillugu ataatsimuulissapput, suliffeqarfiillu Aalborg Stevedore Company aamma Arctic Base Supply allanut tunineqassapput.
Suliffeqarfiup tamanna marlunngornermi tusagassiuutinut nalunaarutigaa.
Nunaqarfinnut pilersuisoq namminersortuunngitsoq
- Royal Arctic Line-imit suli nunaqarfiit pilersorneqassapput, kisianni piginneqatigiiffimmik namminersortumik ingerlanneqanngitsumit. Royal Arctic Logistics aamma ingerlataqarpoq sulianik, ingammik Aalborg eqqarsaatigalugu, suliarisariaqarluinnartunik. Siullermik tamanna pissaaq maanna atsiussaq atorlugu, kisianni suliniutit aallartissavagut, tassannga suliarineqartut allamik suleqateqarnikkut iluaqutaasumik isumagineqarsinnaassanerat misissorlugu, Royal Arctic Line-imi pisortaaneq nassuiaateqarluni oqarpoq.
RAL-imi iluarsaassinerit aningaasaliissutaasut annertuut arlallit matussusissavaat.
Atuaruk: Royal Arctic Linep amigartoorutini affaannanngortippai
- Umiarsuarnut nutaanut aningaasaliisoqarnikuuvoq aammalu Nuummi quersuassamut aningaasaliisoqarnikuulluni. Taamatut iliornikkut aningaasartuutit qaffattut, aammalu maanna inuiaqatigiit iluanni amerliartorneq killeqarluinnartoq, taamaattut pisariaqartitsipput eqqarsaatigilluagaasunik aaqqissutissanik ujarlernissamik, Royal Arctic Line-imi pisortaaneq Verner Hammeken nassuiaavoq, taassumalu takorluugaq nutaaq eqqaavaa, tassalu nunatsinni attavilersuiniarnerup nunatta nunarsuup sinneranik niueqateqarnissaanut nukittorsaataasumik pilersinnissaa.
Ukioq 2015 naatsorsuiffiusup affaani umiarsuaateqarfik 15 millionit koruuninik akileraarutit ilanngunnagit amigartooruteqarpoq, ukiumilu siuliani 31 millionit koruuninik amigartooruteqarluni.
Atuaruk: Royal Arctic Linemi pisortap tullia suliunnaalerpoq