RAL-imi tukanneq
RAL-p pisortaanera: Sullissineq pitsaavallaanngilaq
Tamanna Royal Arctic Linemi pisortap, Verner Hammekenip, arlaannik ajortoqaraangat pitsanngorsaanissanik pitsaanerusunillu paasissutissiisarnissanik neriorsuisup, oqaatigaa
– Sullissineq inissaminiinngilluinarpoq. Nioqqutissat piffissaq eqqorlugu tikiunneqarneq ajortut niuertarfinni misigineqartarpoq. Tamanna ilaatigut containerit umiarsualivinnut allanut aamma imaluunniit umiarsualivimmut kukkusumut tunniunneqarsimanerannik pissuteqartarpoq. Ullumikkut tallimanngornermiit aallartilluta sapaatit akunnerata siuliani nittartakkatsinni kukkunerit amerlassusiat tamanut nalunaarutigisalissavavut,Verner Hammeken, paasissutissiivoq.
– Ullumikkut inissisimanerput pillugu Royal Arctic Linemi tamakkiisumik akisussaajumasoqanngilaq. Inissisimaffik tamanna atuisartuvut sinnerlugit ajuusaarutigisorujussuuarput tamannalu uteqqittaqattaagassaavoq. Kisianni Royal Arctic Line atortunik nutaanik maannakkut atuinissamut aalajangernissaminut akisussaavoq, tassami atortut nutaanngitsut nutaannginnerusunik teknikkimut tunngasortallit ajutooriataarsinnaanerusullu atorunnaariartorneqaramik, Verner Hammeken oqarpoq nangillunilu:
- Qarasaasiakkut atortunik nutaanik LIMA-mik suliassat unammillernartut suliffeqarfimmi pingaartinneqarnersaapput aamma sulisut amerlasoorpassuit ajoqutaasinnaasunik annikillisaaniarlutik immikkut sulipput. Tamannali atuisartumut ajoraluartumik naammattumik misigisassaanngitsoq Verner Hammeken nassuiaavoq.
Juulimi kukkunerit ajornerit peerneqassapput
– Atortut ullut 14-kkuutaarlugit nutarterneqartarput aamma kukkusarnerit amigaatillu ajornerit ungasinngitsukkut qanganngoriissapput. Siusinnerusukkut juunip qeqqani tamanna nalunaarutiginikuuarput, kisianni maannakkut juuli qiteqquppoq upernaaq kukkunerit ajornersaat suli peerneqanngitsut.
Verner Hammekenip apeqqarissaarfigineqarnerat Sermitsiaq aviisimi kingullermi saqqummertumi atuaruk: