Pilersuineq
RAL-ip umiarsuaa nutaaq siulleq tunniunneqartoq
Umiarsuaateqarfiup umiarsuaasa nutaani tallimaasuni siulleq, Ivalo Arctica, Polenimi Gdanskimi tunniunneqarpoq
Ukiuni arlalinni Royal Arctic Line piareersaareerluni nutaamik umiarsuartaarpoq, nunaqarfinnut angalasartussaq Ivalo Arctica, taanna qanittukkut nunatta imartaani angalalissaaq.
Umiarsuaq umiarsuarnit sanatinneqartunit tallimaasunit, Polenimi sananeqartunit siulliuvoq, umiarsuaateqarfik ilisimatitsivoq.
Misilittarneqassasoq
Umiarsuaq marsip 23-ani tunniunneqarpoq. Marsip 29-anilu Polenimiit Aalborgimut ingerlassaaq misilittarneqariartorluni aammalu umiarsuarmi sulisuulersussat pikkorissarneqassammata.
Nunaqarfinnut assartuisartussat Kalaallit Nunaanni attaveqarnermut pingaarutilimmik nutarterutaassapput siullerlu tassa naammassivoq, ukiut tallimat pilersaarusiornerup suliarinninnerullu kingorna.
Umiarsuit sinneri 2016-ip kvartaliisa aappaanni tigunissaat naatsorsuutigineqarpoq, umiarsuaateqarfik Namminersorlutik Oqartussanit pigineqartoq ilisimatitsivoq.
Assit: RAL-ip umiarsuassaa singinneqarpoq