Pilersuineq

RAL-ip Aalborg qaqugu qimakkumaarneraa nalorninartoq

Kalaallit umiarsuaateqarfiata Jyllandip Avannaa qaqugu qimakkumaarneraa, Aalborg Havnip aamma Royal Arctic Linep akornanni ataatsimiinnerup paasinarsitinngilaa

Royal Arctic Line, RAL, Nuka Arctica
Kalaallit umiarsuaateqarfiata Jyllandip Avannaa qaqugu qimakkumaarneraa, Aalborg Havnip aamma Royal Arctic Linep akornanni ataatsimiinnerup paasinarsitinngilaa

Aalborg Havn A/S aamma Royal Arctic Line umiarsuaateqarfiup Aalborgimi siunissaa pillugu ataasinngornermi ataatsimiipput.

Nordjyske.dk naapertorlugu, Aalborgimi borgmesteri, Thomas Kastrup-Larsen, ataatsimiinnerup kingorna 'RAL-ip pilersaarutai qanoq innersut paasilluarpai'.

- Kisianni qanoq pissanerluta oqaatigisinnaanngilara. Aaqqiissutissamik nassaassalluta soorunami neriuutigaara, Thomas Kastrup-Larsen Nordjyskemut oqarpoq.

Atuaruk: RAL-ip Aalborgimi umiarsualivimmik suleqateqarnini taamaatippaa

Aarhusimut nuunnissaq kissaatigineqartoq
Namminersorlutik Oqartussanit pigineqartup Royal Arctic Linep aamma Aalborg Havnip akornanni isumaqatigiissut 2022-p tungaanut atuuppoq. Umiarsuaateqarfiup pisortaanerata, Verner Hammekenip, oktobarimi ersarissumik oqaatigaa, ingerlatseqatigiiffiup 2019-imi Aalborgi atorunnaarniarlugu.

Taannali nammineq siulersuisuni siulittaasuminit, Kuno Fenckerimit, akerlilerneqarpoq. Royal Arctic Linep Aalborgi assersuutigalugu Aarhusip umiarsualivianik taarserneqarnissaanik kissaateqarneq suli qulakkiigaanngitsoq.

Atuaruk: RAL: Kalaallit Nunaannut pitsaanerpaasussamik iliussaagu

Akiligassarujussuarmik piumasaqarsinnaasoq
- Pisussanik assigiinngitsunik misissuivugut, taakkulu ilagaat kingusinnerpaamik 2019-imi Aalborg Havnimit aninissarput. Aalborg Havnimut tunngatillugu, siumut ungasinnerusumik isigisumik misissugaqarpugut. Taakku misissorluaqqissavagut, Kuno Fencker Nordjyskemut oqarpoq.

Umiarsuaateqarfiup 2019-imi Aalborg aallaavigiunnaassappagu, Aalborg Havn 200 millionit koruuninik taarsiiffigineqarnissamik piumasaqassaaq.

Aamma atuakkit:

Aarhus Havn Kalaallit Nunaata umiarsualiveqarfigilissavaa

RAL-ip aalajangiineranut Siumut nuannaarutiginnittoq

Aalborgimit taarseeqqusissummut RAL oqaaseqarusunngilaq

Powered by Labrador CMS