Attup Uummannaa
Radiup aqqutaanik sarfaaruttoorneq: Qulimiguulik aallartinneqarpoq
Qulimiguullip teknikerinik ilaasullip radiokkut atassuteqaateqarfik saffaaruteqassoq iluarsissavaa
Attup Uummannaani radiokkut atassuteqaateqarfiup sarfaaruttoornerata nassataanik Attup Nuugaatsiallu akornanni suli attaveqaatit tamarmik ajutooqqapput, Tele-Post paasissutissiivoq.
Ajornartorsiulli aaqqinneqangajalerunarpoq, qulimiguulik teknikerinik ilaasulik Ilulissaniit nalunaaqutaq 10.00 aallarpoq.
Suli paasisaqanngitsut
- Sarfaaruttoornerup kinguneranik piffimmi tassanerpiaq nakkutilliissutigut aamma eqqugaammata, suli nalugallarparput radiukkut atassuteqaateqarfik qanoq eqqugaatigisimanersoq. Ajornartorsiullu aaqqissappat teknikerit tassunga apuunnissaat pisariaqarluinnarpoq, teknikkikkut ingerlatsinermut pisortaq Kim Hammond Zinck nassuiaavoq.
Atassuteqatit arlallit atorsinnaanngitsut
Sarfaaruttoornerup nassataanik atuisut Aasiaat kujataani Attup aammalu Uummannap avannaani Nuugaatsiap akornanni najugallit ukunannga atuisinnaanngillat 2G, 3G, 4G, bredbånd, radio aamma TV. Aamma sinerissami umiarsuarnut radio timmisarunullu radio aamma eqqugaapput.
Aamma atuaruk: Tele-Postip radiokkut atassuteqaataa sarfaaruteqqasoqTele-Postip radiokkut atassuteqaataa sarfaaruteqqasoq