nunanut allanut niuerneq
Raajat qalerallillu avammut tunisinermi amerlisitsisut
Kvartalit pingajuanni nunanut allanut niuernermut kisitsisit Naatsorsueqqissaartarfiup saqqummiuteqqammerpai. Avammut niuernermi siuariarneq annertuvoq.
Annonse
Avammut niuernermi kvartalip pingajuanni siuariarneq annertuvoq.
Kvartalimi tassani ukiup siulianut sanilliullugu avammut tunisat 792 millionit koruuninik amerleriarput, Naatsorsueqqissaartarfik ilisimatitsivoq.
Avammut tunisat kvartalimi katillutik 2.786 millionit koruuniupput, kvartalimullu tassunga 2015-mut sanilliullugu amerleriaat 39,8 procentiuvoq.
Avammut tunisat nalingata qaffariarneranut pissutaanerpaavoq raajat qalerallillu avammut tunisat nalingisa annertuseriarsimanerat, taakkua ukiup siulianut sanilliullugit 313 mio. kr.-inik aammalu 242 mio. kr.-inik qaffariarsimapput.