Sermersooq
Qullersaqarfik inoqanngingajattoq ajutoorutaasoq
Nunatsinni kommunit inuttunersaat innuttaasut aningaasaataannik nalaatsorneruallaartumik aqutsisutut kukkunersiuisunit attuumassuteqanngitsunit avoqqaarineqarpoq
Kommuneqarfik Sermersuumi qullersaqarfik 2013-ip affaa sinnerlugu ataasiinnarmik marluinnarnilluunniit inuttaqarpoq. Qullersaqarfik 2013-imi ukiakkut aatsaat tamakkiisumik sulisoqalerpoq.
Taamaalillutik pisortatut sulilersut nutaarluinnaapput. Taarseraanneq pisortatullu atorfiit inuttaqanngitsut innuttaasut aningaasaataannik aqutsinerup ajorseriarneranik kinguneqarsimapput.
Taama Deloitte kukkunersiuisutut misissuinermini allappoq. Kukkunersiuisut tamatuma paarlattuanik qullersaqarfik nutaat 2014-imi upernaakkut pissutsit iluarsiissuteqarfiginissaannut pilersaarusiorsimasutut
nersualaarpaat. Deloittellu naliliinera naapertorlugu suliassarpassuaqarpoq.
Sermersooq 2013-imi missingersuutit aningaasartuutitigut pisariaqartitavinnut naleqqussarneranni 100 millioner koruuningajannik ilassutitut aningaasaliissuteqartariaqarsimavoq. Aningaasaliissutillu amerlineqaraluartut kommuni ingerlatsinermut aningaasartutini 10 millioner koruuninik atuinerusimavoq.
Allaaserineqartoq tamaat Nuuk Ugeavisimi atuarneqarsinnaavoq. Aviisi ataani aaneqarsinnaavoq: