Camp Century

Qujaukitsoq: Camp Centurymi mingutsitsineq Danmarkip misissussavaa

Danskit naalagaaffiannit siornatigut nalunaarutigineqartunut sanilliullugu angusaq annertusoq, naalakkersuisoq Vittus Qujaukitsoq isumaqarpoq, tassami maannamut mingutsitsinermut tunngatillugu misissuisoqarnissaanik itigartitsisoqarsimagaluarpoq

- Danskit naalagaaffiata Camp Centuryp eqqaani avatangiisinik, peqqissutsikkut qinngornerillu pillugit mingutsitsisimaneq pillugu misissuinissaat Naalakkersuisunit februarip qulingiluaanni 2016 akuersipput, Vittus Qujaukitsoq AG-imi isumaliutersuummi allappoq.

- Danskit naalagaaffiata Camp Centuryp eqqaani avatangiisinik, peqqissutsikkut qinngornerillu pillugit mingutsitsisimaneq pillugu misissuinissaat Naalakkersuisunit februarip qulingiluaanni 2016 akuersipput.

Inuussutissarsiornermut, suliffeqarnermut, niuernermut, nukissiornermut nunanut allanullu naalakkersuisoq, Vittus Qujaukitsoq, AG-mi isumaliutersuutimini taama allappoq.

Atuaruk: Greenpeace: Danmarkip akisussaaffini nassuerutigisariaqarpaa

Tamanna angusaq annertusoq isumaqarpoq, siusinnerusukkummi danskit naalagaaffiannit ilisimatitsissutigineqarnikuugaluarpoq qinngornernik ulorianartunik mingutsitsisimaneq pillugu misissuinissaq itigartitsissutigineqarnikuugaluarmat.

- Suliassarli suli annertoqaaq, saliinissarmi eqqarsaatigalugu qanoq iliuuseqarsinnaanermik Danmark suli akisussaaffimmik tigusinissaminut oqaaseqarsimanngilaq. Inatsisitigut akisussaaffik pillugu danskit tungaannit akisussaaffimmik tigusinissamut tunngasut oqaatigineqanngillattaaq, Vittus Qujaukitsoq erseqqissaavoq.

Taassuma Kalaallit Nunaat Danmarkimut suli piumasaqartariaqarnerarpaa.

Atuaruk: Sikup ataani sakkutooqarfik

Vittus Qujaukitsup isumaliutersuutaa tamaat AG-mi uani sapaatip-akunnerani saqqummertumi atuaruk. Aviisi uani pisiariuk:

Powered by Labrador CMS