qitornavissiartaarneq
Qitornavissiat amerlanersaasa angajoqqaatik kikkuusut naluneq ajorpaat
Kalaallit Nunaanni meeravissiartaartarnerni kinaassutsimik isertuussisarnerit akuttusoorujussuupput. Meeravissiartaarineqartut qulingiugaangata taakkunannga arfineq-pingasut kikkut angajoqqaarivissornerlugit naluneq ajorpaat. Ammaneq meeravissiat inuunerannut tunngaviuvoq, tarnit pissusaannik immikkut ilisimasalik ilisimatusartorlu oqarpoq.
Kalaallit Nunaanni meeravissiartaartarnerit amerlanersaanni ilaqutariit iluanni meerarsiartaarnerilluunniit pisarput aamma meeravissiat uiunngortumit meeravissiartaarineqaraangata.
Aviisi AG taama allappoq.
Kalaallit Nunaanni ukiuni kingullerni arfineq-marlunni meeravissiartaarineqartunit 161-usunit 130-t ilaquttaminnit allanilluunniit meeravissiartaarineqarput.
Tamanna kisitsisit Danmarkimi Naammagittaalliornissamut aqutsisoqarfimmit AG-mut tunniunneqartuni takutinneqarput. Piffissani taakkunani meeravissianngortut aqqanillit allanut meeravissianngortinneqarput, taakkunanilu angajoqqaaviusut meeravissiartaartut kikkuusut nalusarpaat.
Kalaallit Nunaanni kalaallit meerartaasa meeravissiarineqartut angajoqqaavitik ilisimasaraat kulturerineqarpoq; tamakku ilarpassuisa ilaannikkut aamma attaveqarfigisarpaat. Taamatut Gitte Adler Reimer, Ilisimatusarfimmi ilisimatusartoq aamma Kulturimut, Oqaatsinut Oqauttuarisaanermullu ilisimatusarfimmi aqutsisuusoq oqarpoq.
Qitornavissiartaartarnerit aasaanerani AG-p samminiarpai. AG elektroniskiusoq uani ataani pisiarineratigut allaaserisaq siulleq atuarsinnaavat: