Aasiaat
Qipoqqaat sikkussaaqqasut marluk umiarsualiviup eqqqaani takuneqartut
Qipoqqarnit qulit missaaniittunit, Aasiaallu eqqaani imarnersani mattussaaqqasunit, marluk umiarsualiviup eqqaani imarnersami takuneqarsimapput
Qipoqqaat qulit missaaniittut Aasiaat eqqaani sikulersumi, imarnersani arlalinni sapaatip akunnerata missaani mattussaaqqapput.
Aalisarnermut, Piniarnermut, Nunalerinermullu Naalakkersuisoqarfik tallimanngornermi ilisimatitsivoq qipoqqaat marluk Aasiaat talittarfiata ungataatungaani imarnersami tupiusattut qulisimasumi takuneqarsimasut.
- Kisianni qipoqqaat imarnersamut allamut imaluunniit imarnersanut allanut nuullattaarput, taakkualu Aasianniit takuneqarsinnaanngillat.
Atuaruk: Qipoqqaat mattussaaqqasut imarnersanut pingasunut avissimapput
Atuaruk: Qipoqqaat qulit missaanniittut sikkussaasut
Taama Aalisarnermut, Piniarnermut, Nunalerinermullu Naalakkersuisoqarfik qipoqqaat imarnersani mattussaaqqasut pillugit killiffissiuilluni tallimanngornermi paasissutissiivoq.
- Aalisartut piniartullu sinniisaat aamma oqaluttuarpoq tulukkat imarnersat ’tupiusattaanut’ isertartut arlaannillu nerillutik. Immaqa silumik? Kisianni imarnersaq orninneqarsinnaasimanngilaq sikup ajornera pissutigalugu, Naalakkersuisoqarfimmit ilisimatitsipput.
Ilimagineqarpoq qipoqqaat mattussaaqqaffiisa eqqaani aamma imarnersaqartoq allanik arlaqartunik, taakkualu qipoqqaat paarlakaallugit ornittaraat.
Atuaruk: Nuna tamakkerlugu arfernik angisuunik arfattassat
Aalisarnermut, Piniarnermut, Nunalerinermullu Naalakkersuisoqarfik, qipoqqaat mattussaaqqasut pillugit qanimut malinnaavoq.
Nunatta kitaani qipoqqaat 2015-mi pisarineqarsinnaasut quliupput. Qipoqqarnik pisaqarnissamut akuersissutillit kisimik pisaqarsinnaatitaapput januaarip aallaqqaataanit decembarip 31-at ilanngullugu.
Aasiaat avatinnguani qipoqqaat imarnersani mattussaasut assiutigigukkit redaktion@sermitsiaq.ag-mut nassiussinnaavatit. Qanga assilineqarsimanersoq aamma kiap assilisimaneraa allaqqassaaq
Atuaruk: Danmarkimi qipoqqaat siumorneqartut