qinersineq
Qinigassanngortittut: Illoqarfeeqqani mittarfiit ujaraaqqanik qallikkat
Qeqertarsuup aamma Qasigiannguit piaartumik mittarfittaarnissaat misissorneqareerlunilu piviusorsiortuusoq, Per Rosing-Petersen, Partii Naleraq, oqarpoq. Siunnersuut Siumumeersumit tapersorneqarpoq
Inatsisartunut qinigassanngortittoq, Per Rosing-Petersen, Partii Naleraq, qineqqusaaruteqarpoq illoqarfiit arfinillit tassaasut, Nanortalik, Qaqortoq, Narsaq, Kangaatsiaq, Qeqertarsuaq aamma Qasigiannguit ujaraaqqanik qallikkanik suluusalinnut mittarfiliorfigineqassasut, erseqqissaatigaalu pilersaarutit sukumiisumik misissuiffigineqareerlutillu naatsorsuiffigineqareernikuusut.
Qeqertarsuaq aamma Qasigiannguit ujaraaqqanik qallikanik suluusalinnut mittarfiliorfigineqarsinnaanerannut periarfissat 2011-imi, Destination Avannaa A/S-imit, Qaasuitsup Kommunianit ingerlanneqartumit, kisiannili 2011-mi matusumit, misissuiffigineqarput.
Hans Peter Lennert, Qeqertarsuarmi Siumumeersoq, siunnersuummut tapersiivoq.
Partii Naleraq aamma Siumut angallannerup ineriartortinneqarnissaa pillugu qinersinerup kingorna Naalakkersuinikkut pitsaasumik naapeqatigiiffeqarsinnaanerat taassuma qularutiginngilaa.
Allaaserineqartoq Tamanut Avannaanimi tamaat atuarneqarsinnaavoq. Aviisimi aamma Qaasuitsumi susoqarnersoq atuarneqarsinnaavoq. Tamanut Avannaani akeqanngitsumik ataani aajuk: