Qinersinermi silagissamaartoq

Inatsisartunut qinersinissamut sila pissutigalugu qinersiartorsinnaannginnissamut pissutissaqarpasinngilaq.

- Kalaallit Nunaanni sila aqagu qinersinissamut tulluarluinnassaaq.

Aqagu marlunngornermi silap qanoq innissaanut apeqqummut, DMI Sermitsiaq.AG-mut taama allappoq.

Taamaalilluni marlunngornermi silagissangatinneqarpoq.

- Avannaani, Kitaani aamma Kujataani qulisimassaaq, ingammik Aasianniit Paamiut tikillugu nittaalaarsinnaasassaaq, kisianni annertussanngillat. Anoraa aamma sakkukissaaq, DMI ilisimatitsivoq.

Kangiata sineriaani panernarluni seqinnertarluni imaluunniit seqinnarissaaq. Tasiilami anoraa sakkukissangatinneqarpoq, Ittoqqortoormiini anoreqarnerusinnaassalluni.

- Issisiut isseqaranilu kiannginneranit qulit tikillugit issinnissaa naatsorsuutigineqarpoq, DMI taama nalunaarpoq.

Qinersiviit marlunngornermi nalunaaqutaq 09.00 ammassapput, nalunaaqutaq 20.00 matussallutik.

Powered by Labrador CMS