Skip to main content

Qinersinermi kukkuneq: Steen Lynge ilaasortanngorpoq

Qasigiannguani kukkusoqarnerata Henrik Thomsenimut taarsiullugu Steen Lynge Inatsisartunut ilaasortanngortippaa.

Qasigiannguani naatsorsuinermit inernerit nassuinneqarneranni kukkusoqarsimavoq. Tamatuma Demokraatini qinigassanngortitat marluk nikisippai.

Valg.gl-imi atuarneqarsinnaavoq, Henrik Thomsen, Qasigiannguani 63-nit taaguunneqarsimasoq, Niels Thomsenilu taaguunneqarsimanani. Angutip taaguunneqarnerpaat tulliulluni qinigaalluarmat tamanna maluginiagassaavoq – taamaallaat Sara Olvsigimit qaangerneqarami.

Qinersivimmi aqutsisoq: Kukkuneq ataaseq

Kisianni kukkusoqarsimavoq, Qasigiannguani qinersivimmi aqutsisoq, Juliane M. Willumsen Sermitsiaq.AG-mut taama oqarpoq.

- Henrik Thomsenip 63-nit taaguunneqarsimanera kukkulluta nalunaarutigisimavarput, Niels Thomsenilu taaguunneqanngitsoortillugu. Tamanna kukkuneruvoq. Immaqa qasuneq pissutigalugu kukkuneq pivoq, tassani Niels Thomsen 63-nit taaguunneqarpoq, Henrik Thomsenilu taaguunneqarani, Juliane M. Willumsen oqarpoq.

Henrik Thomsenip allattorsimaffimmi appariangaatsiarneranik tamanna kinguneqarpoq, Steen Lyngelu taaguunneqarnerit arfernattut inissikkami, Inatsisartunut ilaasortanngornissamik qulakkeerinnippoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER