Qinersineq imigassamut inatsimmik paatsuungalersitseqqippoq

Immiaaqqat, viinnit kimittuullu assiaqutsernissaat pillugu nalunaarutip akuersissutigineqarnissaa angumerineqanngilaq

Demo mod alkohollov

Ulluni makkunani Peqqissutsimut Naalakkersuisoqarfimmi sulisut Kommune Kujallermut immiaaqqat, viinnit kimittuullu niuertarfinni assiaqutsernissaannik nakkutilliiartorput.

Sermitsiaq aviisi taama allaaserisaqarpoq.

Kujataaliannginnerminnilu sulisut Nuummiipput Qeqqatalu Kommuniani.

Paatsuungassutaasoq

Kommunini pingasuni niuertarfinnik ingerlatsisut akornanni nakkutilliineq paatsuungassutaaqaaq.

Peqqissutsimut Naalakkersuisoqarfiup januaarimi nalunaarutigaa niuertarfiit ilisiviit saavanni assiaqutsiinissavimminnut januaarip aallaaqqaataanut 2019-imut periarfissaqartut.

Peqqissutsimut Naalakkersuisoq Agathe Fontain Inatsisartut ukiaanerani ataatsimiinneranni inatsisip akuersissutigineqarnerani oqarpoq:

- Kissaatigaara niuartarfiit imigassat aalakoortartortallit assiaqutsernissaannut piumasaqaatit aalajangersarlugit nalunaarutip suliarinerani akuutinneqassasu, nalunaarummilu niuartarfinni angisuuni mikisunilu pissutsit isiginiarneqassapput.

Tusarniaassutigineqartoq

Januaarip 12-ani niuertarfinni imigassap assiaqutsernissaanut nalunaarut tusarniaassutigineqarluni nassiunneqarpoq, Peqqissutsimullu Naalakkersuisoqarfik januaarip 22-ani Naalakkersuisut nittartagaani allappoq:

- Inatsisip marsip aallaqqaataani 2018-mi atuutilerfianiit nalunaarusiallu januaarip aallaqqaataani 2019-mi atuutilernissaata tungaanut pisiniarfiit namminneq aalajangissavaat imigassat qanoq assiaqusersornissaanut taamaasillutik pisinianut takussaanngitsuutillugit.

Naalakkersuisoqarfiup tassunga atatillugu nassuiarpaa nalunaarup atuutilernissaanut piffissaq piaaraluni kingusissukkut januaarip aallaqqaataanut 2019-imut inissinneqartoq, taamaalillutik niuertarfiit tamarmik nalunaarummi piumasaqaatit eqquutsinnissaannut piareersarnissaminnut piffissaqarluarlutik.

Tamanna pillugu Sermitsiami paasisaqarnerusinnaavutit, taanna uani ataani linki tooriarlugu pisiarisinnaavat:

Powered by Labrador CMS