qineqqusaartitsineq
Qineqqusaartut ilinniagaqartunit qineqqusaariaatsimik nutaamik qineqqusaartinneqassapput
Ilisimatusarfimmi qineqqusaartoqassaaq ullumi sisamanngornermi
Qineqqusaartut inuusuttunit soqutigineqarpallaarneq ajorput, taamaammat qineqqusaartitsinerni inuusuttunik takussaasoqarpallaarneq ajorpoq.
Taamaattumik ilinniagaqartut peqatigiiffiat Ili Ili nutaamik iliuuseqarpoq.
- Qineqqusaartut qineqqusaariaatsimik nutaamik qineqqusaartinneqassapput. Susoqassanersoq annertunerusumik oqaatigisinnaanngilara, Ili Ilimi siulittaasoq Vivi Vold oqarpoq.
Iliuuseq nutaaq
Apeqqutigineqartut politikkerinit akineqaannartarnerat ilinniagaqartunit qatsunneqarpoq, taannami pereeraangat parteeqatiginngisaminnut akerlilersuisarput.
- Misilitassarput nutaajuvoq, taamaammat ajornartorsiutigineqartartut qaangerneqarnissaat neriuutigaara, Vivi Vold oqarpoq.
Qineqqusaartitsineq sisamanut aallartissaaq. Ilinniagaqartut atugassarititaat naalagaaffeqatigiinnerlu oqallisigineqassapput.