Skip to main content

Qineqqusaarneq: Atuartartut isummersortartut nersualaarneqarput

Atuartartut allaaserisani isummersortarnerat ukioq manna qineqqusaartoqarnerani ileqqorissaarfiunerullunilu akaareqatigiiffiunerusoq malunnarpoq. - Tamanna nuannaarutigeqaara, nittartakkakkut nutaarsiassaqartitsivimmi Sermitsiaq.AG-mi aaqqissuisoq Jørgen Schultz-Nielsen

Qineqqusaarneq aallartilluariivinnikuuvoq, aamma nittartakkakkut nutaarsiassaqartitsiviup nutaarsiassani saqqummiunneqartuni  atuartartut isummersortarneranni  misissuataarisartoq oqallinnerup ileqqorissaarluni ataqqeqatigiillunilu ingerlanneqarnissaanut nakkutilliillualaalerivinnikuuvoq.

Akaareqatigiinneruneq

Qinersinermutkingullermut siuliinillu sanilliullugu qinersinissami matumani atuartartut isummersuutigisartagaat malunnartumik akaareqatigiinnerupput , taama atuartartut isummersuutigisartagaannut misissuataarinnilluni nakkutiiliisartoq, kinaassusaanili nutaarsiassaqartitsivimmit saqqummiunneqarusunngitsoq, oqarpoq.

Tamarmilli pissuserissaartuinnaanngillat

Atuartartulli isummersortarnerminni tamarmik pissuserissaartuinnaanngillat.

Sulimi atuartartoqarpoq oqallinnermi ileqqorissaarnissamut piumasaqaatinut unioqqutitsisartunik. Taakkua qinngarsuillutik inuiaqatigiinnillu allanik nikassaallutik ilaatigut isummersortarmata.

- Isummersornerit qinngarsuinermik aamma nikassaanermik imaqartut piiarneqartarput. Taakkuami politikkikkut oqariartuutiginertunut oqallinnermi isummersuutinik tusarusunnitsinni tulluanngimmata, nittartakkakkut nutaarsiassaqartitsivimmi aaqqissuisoq Jørgen Schultz-Nielsen nassuiaavoq.

Atuartartut mattunneqartartut

Atuartartut sakkortuumik isummersortillugit, taava nutaarsiassaqartitsiviup atuartartut aalajangersimasut Sermitsiaq.AG-mi oqallinnermi peqataasinnaajunnaartillugit mattussinnaavai.

- Tamat isummersinnaatitaanerannik naqisimanninnianngilagut. Kisianniuna nalittarisassatta malitsinneqarnissaat kissaatigiinnaripput. Aamma inatsisit atuuttut eqqarsaatigalugit. Kaammattuutigissavaralu oqallittartut sammisaq inuttaalu pinnagu oqallittarnissaat, Jørgen Schultz-Nielsen qineqqusaartoqarnerani isummersuutaasaartut akaareqatigiiffiunerannut nuannaarutiginnittoq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER