Sisimiut
Qimussit pillugit ataatsimeersuarnissaq kinguartinneqarpoq
Arctic Nomads-imik suliniut, filmimik piviusulersaarusiornissamik qimussillu pillugit ataatsimeersuarnissamik pilersaarut, kinguartinneqartariaqarpoq
Arctic Nomadsimi ataatsimeersuarnissaq, tassani qimussertartut Issittumit tamarmeersut ilaatigut qamutiliorlutik Sisimiuni naapisimaarnissaat, ukiumik ataatsimik kinguartinneqarpoq. Taamatut nalunaaruteqarpoq aaqqissuusseqataasoq Pipaluk Lykke Løgstrup.
Tapiiffigineqanngillat
Kinguartitsinermut pissutaavoq inuit suliniummik ingerlatsisut, aamma imaannaanngitsumik Alaskami, Canadami, Kalaallit Nunaanni Ruslandimilu qimussertarnermik piviusulersaarusiorniartut, tapiiffigineqarnissaminnut itigartinneqarsimanerat.
Tamanna pissutigalugu suliniutillit allaanerusumik tapiissutinik pissarsiussapput.
Filmi piviusulersaarut immiunneqarpoq
Nakeriallaqinalli.
Sibiriami qimmit qanoq paarineqartarnersut qanorlu qimussiliortoqartarnersoq paaserusukkukkit 2016-imi decembarinngornissaa qilanaarisinnaavat.
Filmip piviusulersaarutip immiunneqarnera ukiup affaani ingerlanneqareersimavoq, filmimullu qilanaartuutissaqarpoq, tassani qimussertartup Sisimiormiup Navarana Lennertip nunarsuarmi qimussertartunut assigiinngitsunut angalanera malinnaaffigineqarluni.