Avannaata Qimussersua
Qimussit 52-t GM-imut piareertut
Sisamanngornermi marsip 31-ani Avannaata Qimussersua aallartissaaq, taanna ukioq manna Uummannami ingerlanneqassaaq
Avannaata Qimussersua sisamanngorpat aallartinneqassaaq - ukiumut unammersuarneq qimusserluni Nunatsinni pissartanngorniunnertut ingerlanneqartarpoq.
Siullermik meeqqat qimusserlutik sukkaniutissapput. Ukioq manna tassani 19-t peqataassapput. Taakku 10-15 kilometerinut sukkaniutissapput.
Piffinnit 21-neersut
Arfininngorpat sukkaniunneq pingaarneq ingerlanneqassaaq, tassani qimussit 33-t najugaqarfinnit 21-init assigiinngitsuneersut peqataassapput.
Tassani aqqut 40 kilometeriussaaq.
Atuaruk: Qimmimut qimuttumut igalaap eqqaani inissamik, qujanaq
Avannaata Qimussersua ukioq manna qimmit nappaataannik tuniluuttoqaqqammernerani ingerlanneqassaaq, tamatuma qimmit akiuussutissamik kapineqanngitsut aamma illoqarfinni nunaqarfinnilu nappaammik tuniluuffiusuneersunit peqataatitsinissamik taamaatitsitsivoq.
Atuaruk: Qimmit Ilulissaneersut unamminermut ilaaqqusaanngitsut