Qimussertartoq ajunngitsoq nassaarineqartoq

Ippassaq pingasunngornermi marsip 15-at 2017 nalunaaqutaq 22:52 politiit nalunaarfigineqarput, angut 35-nik ukiulik Kullorsuarmut apuussimanngitsoq.

Politiit tusagassiuutinut taama nalunaaruteqarput.

Pineqartoq ullukkut Nuussuarmiik Kullorsuarmut qimussersimavoq.

Allamik qimusseqateqarsimavoq nalunaaqutarlu 11:00 missaani ilagisaa Kullorsuarmut qimusserluni utersimavoq pineqartorlu Nuussuup avannaatungaaniinginnarsimavoq pilersaarutigalugulu ullup ilaani Kullorsuarmut ingerlaqqissalluni.

Tamatuma kingorna angut 35-nik ukiulik takuneqaranilu tusarfigineqarsimanngilaq.

Unnukkut snescooterinik ujaasisoqaraluarsimavoq toraarneqarsimanngilarli.

Sisamanngornermilu marsip 16-at 2017 Kangerlussuarmiik SAR qulimiguulik ujaarlerfigineqartumut aallartinneqarpoq. Aammalu Forsvarets Challengeria ujaarlerfigineqartumukaqquneqarsimalluni.

Nalunaaqutaq 13:14 Challengerimi inuttaasut angut qeqeqqatami illuaqqap eqqaaniittoq nalunaarutigivaat. Illuaqqap eqqaani qimmit qamutillu timmisartumi inuttaasut takusinnaasimavaat.

S61 piffimmut pineqartumut orniguteqqunarpoq nalunaaqutarlu 14:50 qulimiguulimmit politiit nalunaarutigaat angut periarfeerunneqartoq ajorani qeqertamiittoq.

Periarfeerunneqartoq kingorna Kullorsualiaanneqarpoq.

Piffissami matumani paasissutissiarineqanngilaq pineqartoq sooq Kullorsuarmut ingerlaqqissimannginnersoq.