Avannaata Qimussersua
Qimmit qamutillu Qeqertarsuarmut tikipput
Avannaata Qimussersuaqarnissaani peqataasussat siulliit Qeqertarsuarmut ullumi tikipput
Qeqertarsuarmi Avannaata Qimussersuata ukioq manna ingerlanneqarnissaani peqataasussani tikittut siulliit qimmii qamutaalu Air Greenlandip Sikorsky helikopterianik ullumi tikiunneqarput.
Avannaata Qimussersua sapaatip akunnerata tulliata naanerani, marsip 27-ani aamma 28-ani ingerlanneqassaaq.
Assit: Qaanaami qimussenermik unammineq
Meeqqat Avannaata Qimussersuaaraanik taaneqartartumi qulit 20-llu akornanni amerlassuseqartut peqataanissaat naatsorsuutigineqartoq, inersimasuni peqataasussat 40-t aamma 49-t akornanni amerlatigisut peqataanissaat naatsorsuutigineqarpoq.
Qimussimik sukkanniunnissarsuarmut Aasianniit, Ilulissaniit, Kangaatsiamiit, Saqqamiit, Uummannamiit aamma Upernavimmiit peqataasussat maanna Qeqertarsuaaliaapput. Kisianni Qaanaamiit peqataasussaangaluit angalanissaminnut aningaasatigut taperneqannginnamik uniinnarsimapput.
Atuaruk: Avannaata Qimussersua affaannarmik ingerlanneqaratarsinnaavoq